وزیراعلیٰ پنجاب مریم نواز کا ارشد ندیم کے گھر آمد، 10 کروڑ کا چیک اور گاڑی کا تحفہ

لاہور: وزیر اعلیٰ پنجاب مریم نواز نے اولمپک گولڈ میڈلسٹ ارشد ندیم کو مبارکباد دینے کے لیے ان کے آبائی گاؤں پہنچ کر 10 کروڑ روپے کا چیک پیش کیا۔اس کے علاوہ ہنڈا سوک گاڑی بھی تحفے میں پیش کر دی۔

مریم نواز نے ارشد ندیم اور ان کی فیملی سے ملاقات کی اور انہیں مبارکباد دی۔ انہوں نے کہا کہ ارشد ندیم نے پوری قوم کا سر فخر سے بلند کردیا ہے۔

وزیر اعلیٰ مریم نواز شریف نے ارشد ندیم کی والدہ محترمہ رضیہ پروین کو گلے لگا لیا اور مبارکباد پیش کی۔ وزیر اعلیٰ مریم نواز شریف نے ارشد ندیم کی والدہ کو اپنے ساتھ بٹھایا اور کافی دیر باتیں کرتی رہیں۔

وزیر اعلیٰ پنجاب مریم نواز شریف نے اولمپیئن ارشد ندیم کو 10- کروڑ روپے کا چیک پیش کیا اور ہنڈا سوک کا ر پی اے کے 92.97چابی پیش کی۔

دوسری جانب وزیراعظم شہباز شریف نے بھی ارشد ندیم کو آج ملاقات کے لیے بلایا ہے۔ وزیراعظم شہباز شریف ارشد ندیم کی بہترین کارکردگی پر خراج تحسین پیش کریں گے اور ان کے اعزاز میں شام کو ایک استقبالیہ دیں گے۔