پاکستان
پی ٹی آئی میں اندرونی اختلافات کے خاتمے کیلئے کمیٹی تشکیل
سابق صدر عارف علوی کو کمیٹی کا سربراہ مقرر کردیا گیا، ذرائع
![پی ٹی آئی میں اندرونی اختلافات کے خاتمے کیلئے کمیٹی تشکیل](/media/116032/conversions/PTI-Flag1648450345-0-1280x720.jpg)
پی ٹی آئی میں اندرونی اختلافات کے خاتمے کیلئے کمیٹی تشکیل دے دی گئی۔
میڈیا رپورٹس کے مطابق سابق صدر عارف علوی کو کمیٹی کا سربراہ مقرر کردیا گیا۔ عارف علوی ایک ہفتے کے اندر اندرونی اختلافات کے خاتمے کیلئے تجاویز دیں گے۔ سابق صدر اختلافات رکھنے والے رہنماؤں سے ملاقات کرکے ان کے تحفظات بھی سنیں گے۔
واضح رہے کہ پی ٹی آئی میں مرکزی و صوبائی سطح پر اختلافات شدت اختیار کرگئے ہیں۔
پی ٹی آئی نے پارٹی کے سابق سینئر نائب صدر اور رکن قومی اسمبلی شیر افضل مروت کی بنیادی پارٹی رکنیت منسوخ کردی تھی۔ پھر خیبرپختونخوا کے سابق وزیر کمیونیکیشن اینڈ ورکس شکیل خان کو استعفی دینے پر مجبور کیا گیا۔ نیز علیمہ خان اور بشریٰ بی بی کے درمیان بھی تعلقات کشیدہ ہیں۔
پاکستان
تونسہ میں پولیس مقابلے کے دوران فتنۃ الخوارج کے 2 دہشت گرد ہلاک
فائرنگ کے تبادلے میں ایس ایچ او وہوا، سب انسپکٹر صادق اور کانسٹیبل مظمر نذیر زخمی ہوگئے
![تونسہ میں پولیس مقابلے کے دوران فتنۃ الخوارج کے 2 دہشت گرد ہلاک](/media/116007/conversions/Capture-1280x720.jpg)
فتنۃالخوارج کے خلاف قانون نافذ کرنے والے اداروں کو بڑی کامیابی مل گئی، تھانہ سٹی تونسہ کی حدود میں پولیس سے مقابلے کے دوران فتنۃ الخوارج کے 2 دہشت گرد ہلاک ہوگئے۔
میڈیا رپورٹس کے مطابق 24 اگست کو تھانہ سٹی تونسہ کی حدود میں سٹی فوڈ کلب کے قریب فتنۃ الخوارج کا ایک گروہ دہشت گردی کی بڑی کارروائی کے لیے موجود تھا، ایس ایچ او تحصیل وہوا ضلع تونسہ کی جانب سے دہشت گردوں کی موجودگی کی خفیہ اطلاع پر فوری چھاپہ مارا گیا۔
پولیس کے پہنچتے ہی دہشت گردوں نے پولیس پارٹی پر فائرنگ شروع کر دی جہاں پولیس نے جوابی کارروائی کرتے ہوئے 2 خارجی دہشت گردوں کو ہلاک کردیا۔
پولیس کے مطابق شدید فائرنگ کے تبادلے میں ایس ایچ او وہوا، سب انسپکٹر صادق اور کانسٹیبل مظمر نذیر زخمی ہوگئے جبکہ زخمی پولیس اہلکاروں کو تحصیل ہیڈ کوارٹر تونسہ منتقل کر دیا گیا جہاں انہیں طبی امداد دی جا رہی ہے۔
قانون نافذ کرنے والے اداروں کی اس کارروائی سے فتنۃالخوارج کو شدید دھچکا لگا، اہل علاقہ نے دہشت گردوں کا مردانہ وار مقابلہ کرنے پر پولیس جوانوں کی حوصلہ افزائی کی۔
قانون نافذ کرنے والے ادارے اور سیکیورٹی فورسز وطن عزیز سے دہشت گردی کے خاتمے کے لیے پُرعزم ہیں۔
پاکستان
پنجاب میں پاور شیئرنگ ، ن لیگ اور پیپلز پارٹی کی مشترکہ کمیٹی کی اہم بیٹھک آج ہوگی
مسلم لیگ (ن) اور پیپلز پارٹی کی قائم مشترکہ کمیٹی کا اجلاس گورنر ہاؤس میں 2 بجے طلب کیا گیا ہے
![پنجاب میں پاور شیئرنگ ، ن لیگ اور پیپلز پارٹی کی مشترکہ کمیٹی کی اہم بیٹھک آج ہوگی](/media/116006/conversions/25131119feb5687-1280x720.jpg)
پاکستان مسلم لیگ (ن) اور پیپلز پارٹی کے درمیان پاور شیئرنگ کے معاملے پر دونوں جماعتوں کی مشترکہ کمیٹی کی اہم بیٹھک آج ہوگی۔
مذاکراتی کمیٹی میں نائب وزیر اعظم اسحاق ڈار، مریم اورنگزیب، ملک احمد خان شریک ہوں گے جبکہ پیپلز پارٹی کی جانب سے راجہ پرویز اشرف، ندیم افضل چن، حسن مرتضیٰ اور علی حیدر گیلانی شریک ہوں گے۔
گورنر ہاؤس میں طلب کی جانے والی میٹنگ میں پاور شیئرنگ کے وعدوں پر عملدرآمد کا جائزہ لیا جائے گا۔ پیپلز پارٹی کے تحفظات بھی اجلاس میں زیر غور آئیں گے، معاہدے کے باقی نکات پر بھی عمل درآمد کے لیے ٹائم فریم طے کیا جائے گا۔
اس کے علاوہ اجلاس میں ترقیاتی اسکیموں میں حصہ نہ دینے اوراضلاع میں افسران کی طرف سےتعاون نہ کرنے کے معاملات پرغورکیا جائے گا۔
یاد رہے وزیراعظم شہباز شریف اور چیئرمین پیپلزپارٹی بلاول بھٹو کے درمیان 3 دن قبل ملاقات ہوئی تھی جس میں پیپلز پارٹی نے شکوہ کیا تھا کہ پنجاب حکومت میں پیپلز پارٹی کو مسلسل نظر انداز کیا جا رہا ہے۔
مسلم لیگ (ن) اور پیپلز پارٹی کی قائم مشترکہ کمیٹی کا اجلاس گورنر ہاؤس میں 2 بجے طلب کیا گیا ہے۔
تفریح
پاکستان کی معروف اداکارہ صبا قمر کا حیران کن انکشاف
سیٹ پر کئی لوگوں کو ڈیزائنر کے مہنگے کپڑے پہنے دیکھتی ہیں لیکن اگر ان کپڑوں سے ذرا سی بھی بدبو آئے تو وہ انہیں نہیں پہنتیں
![پاکستان کی معروف اداکارہ صبا قمر کا حیران کن انکشاف](/media/116024/conversions/SabaQamar-1280x720.jpg)
لاہور: پاکستان کی نامور اداکارہ صبا قمر نے اپنی ایک ایسی عادت کا انکشاف کیا ہے جس نے سب کو حیران کر دیا ہے۔
ایک حالیہ انٹرویو میں صبا قمر نے بتایا کہ انہیں لوگوں کو سونگھنے کی عادت ہے۔ ان کا کہنا تھا کہ وہ انتہائی صفائی پسند ہیں اور کسی بھی قسم کی بدبو برداشت نہیں کر سکتیں۔
صبا قمر نے مزید کہا کہ سیٹ پر کئی لوگوں کو ڈیزائنر کے مہنگے کپڑے پہنے دیکھتی ہیں لیکن اگر ان کپڑوں سے ذرا سی بھی بدبو آئے تو وہ انہیں نہیں پہنتیں۔
انہوں نے کہا کہ میری ایک گندی عادت ہے کہ میں اپنے پاس سے گزرنے والے لوگوں کو سونگھتی ہوں۔ میری یہ عادت بہت گندی ہے لیکن مجھے یہ بھی پتا ہے کہ میری ناک بہت تیز ہے۔
-
علاقائی 2 دن پہلے
سرگودھا : موٹر وے پر 4 کار سوار پر اسرار طور پر ہلاک
-
علاقائی ایک دن پہلے
چہلم شہدائے کربلا: کراچی سمیت سندھ میں ڈبل سواری پر پابندی
-
تجارت 2 دن پہلے
مرکزی تنظیم تاجران نے 8 ستمبر کو ملک گیر شٹرڈاون ہڑتال کا اعلان
-
پاکستان ایک دن پہلے
پاک فوج کا کامیاب ریسکیو آپریشن: 7کوہ پیماؤں کو بچا لیا
-
دنیا ایک دن پہلے
نیپال کے صوبہ گنداکی میں بھارتی مسافر بس الٹنے سے 14 افراد ہلاک
-
علاقائی 2 دن پہلے
سندھ حکومت کا چہلم حضرت امام حسینؓ پر سکولوں میں تعطیل کا اعلان
-
پاکستان ایک دن پہلے
اسلام آباد : بلدیاتی الیکشن مؤخر ہونے کا خطرہ
-
دنیا ایک دن پہلے
نریندر مودی کے طیارے کا پاکستانی حدود استعمال کرنے کا انکشاف