دنیا
بنگلادیشی سپریم کورٹ کے سابق جج کو عدالت پیشی پر عوام نے تشدد کا نشانہ بنا ڈالا
حملے کے بعد 75 سالہ سابق جج کو اسپتال منتقل کیا گیا جہاں انہیں انتہائی نگہداشت کے وارڈ میں رکھا گیا ہے
![بنگلادیشی سپریم کورٹ کے سابق جج کو عدالت پیشی پر عوام نے تشدد کا نشانہ بنا ڈالا](/media/116046/conversions/Sylhet-Manik-(4)-1724568687-1280x720.jpg)
بنگلادیش میں سپریم کورٹ کے سابق جج شمس الدین چوہدری مانک کو عدالت پیشی پر عوام نے تشدد کا نشانہ بنا ڈالا۔
بنگلادیشی میڈیا کے مطابق گزشتہ روز بنگلادیشی سپریم کورٹ کے ایپلٹ ڈویژن کے سابق جج عدالت میں لایا گیا تو قیدیوں کی وین سے نکلتے ہی عوام نے ان پر لاتوں اور مکوں کی برسات کردی۔مختلف جماعتوں کے کارکنوں اور رہنماؤں نے سابق جج پر پانی کی بوتلیں، انڈے اور جوتے بھی پھینکے۔ حملے کے بعد 75 سالہ سابق جج کو اسپتال منتقل کیا گیا جہاں انہیں انتہائی نگہداشت کے وارڈ میں رکھا گیا ہے۔
اسپتال ذرائع کے مطابق جسٹس مانک کے جسم پر کئی زخم موجود تھے اور انہیں اندرونی چوٹیں بھی آئی ہیں جس کے باعث ان کی حالت تشویشناک ہے۔ فوج اور پولیس کے اہلکار سابق جج کی حفاظت پر معمور ہیں اور اسپتال کے اطراف میں سکیورٹی سخت کردی گئی ہے۔
خیال رہے کہ جمعے کے روز بنگلادیشی سپریم کورٹ کے سابق جج شمس الدین چوہدری مانک کو بھارت فرار ہوتے ہوئے بھارتی سرحد کے قریب گرفتار کیا گیا تھا۔
تفریح
پاکستان کی معروف اداکارہ صبا قمر کا حیران کن انکشاف
سیٹ پر کئی لوگوں کو ڈیزائنر کے مہنگے کپڑے پہنے دیکھتی ہیں لیکن اگر ان کپڑوں سے ذرا سی بھی بدبو آئے تو وہ انہیں نہیں پہنتیں
![پاکستان کی معروف اداکارہ صبا قمر کا حیران کن انکشاف](/media/116024/conversions/SabaQamar-1280x720.jpg)
لاہور: پاکستان کی نامور اداکارہ صبا قمر نے اپنی ایک ایسی عادت کا انکشاف کیا ہے جس نے سب کو حیران کر دیا ہے۔
ایک حالیہ انٹرویو میں صبا قمر نے بتایا کہ انہیں لوگوں کو سونگھنے کی عادت ہے۔ ان کا کہنا تھا کہ وہ انتہائی صفائی پسند ہیں اور کسی بھی قسم کی بدبو برداشت نہیں کر سکتیں۔
صبا قمر نے مزید کہا کہ سیٹ پر کئی لوگوں کو ڈیزائنر کے مہنگے کپڑے پہنے دیکھتی ہیں لیکن اگر ان کپڑوں سے ذرا سی بھی بدبو آئے تو وہ انہیں نہیں پہنتیں۔
انہوں نے کہا کہ میری ایک گندی عادت ہے کہ میں اپنے پاس سے گزرنے والے لوگوں کو سونگھتی ہوں۔ میری یہ عادت بہت گندی ہے لیکن مجھے یہ بھی پتا ہے کہ میری ناک بہت تیز ہے۔
دنیا
حزب اللہ کی اسرائیل پر300 سےزائد راکٹوں کی بارش
حملے میں اسرائیلی فوجی تنصیبات اور دفاعی نظام آئرن ڈوم کو نشانہ بنایا گیا
![حزب اللہ کی اسرائیل پر300 سےزائد راکٹوں کی بارش](/media/116036/conversions/4c3r178c4e4ed92ehsr_800C450-1280x720.jpg)
حزب اللہ کی اسرائیل پر300 سےزائد راکٹوں اور ڈرونن کی بارش کر دی
عالمی خبر رساں ادارے کے مطابق حزب اللہ نے اپنے سربراہ حسن نصر اللہ کے قریبی ساتھی اور سینیئر کمانڈر فواد شکر کی شہادت کا بدلہ لینے کے لیے اسرائیل کے مشرقی علاقے میں300 سے زائد راکٹوں اور 100 سے زائد دھماکا خیز ڈرونز کی بارش کردی۔
حزب اللہ کی جانب سے جاری بیان میں کہا گیا ہے کہ اسرائیلی فوجی تنصیبات اور دفاعی نظام آئرن ڈوم کو کامیابی سے نشانہ بنایا گیا اور شہید کمانڈر کے بدلے میں یہ محض ایک ابتدا ہے۔
اسرائیل میں 2 روز کے لیے ایمرجنسی نافذ کرکے شہریوں کو گھروں میں رہنے کی ہدایت کی گئی جب کہ تل ابیب آنے اور جانے والی بین الاقوامی پروازیں معطل کردی گئی تھیں جنھیں بعد ازاں بحال کردیا گیا۔
دوسری جانب اسرائیل نے دعویٰ کیا ہے کہ حزب اللہ کے حملوں کے جواب میں ائیر فورس کے 100 جنگی طیاروں نے حزب اللہ کے راکٹ لانچر سائٹس پر حملہ کرکے ہزاروں راکٹس کو اُڑنے سے قبل ہی تباہ کردیا۔
یاد رہے کہ اسرائیل نے حزب اللہ کے سینئر کمانڈر فواد شکر کو بیروت میں 30 جولائی کو حملہ کرکے شہید کیا تھا۔
کھیل
بنگلا دیش کی تاریخی فتح: پاکستان کو 10 وکٹوں سے شکست دے دی
پانچویں اور آخری روز پاکستانی ٹیم بنگلہ دیش کی پہلی اننگز کے 565 رنز کے جواب میں 146 رنز پر آؤٹ ہو گئی
![بنگلا دیش کی تاریخی فتح: پاکستان کو 10 وکٹوں سے شکست دے دی](/media/116015/conversions/Cricket-1280x720.jpg)
راولپنڈی ٹیسٹ میچ میں بنگلا دیش نے پاکستان کو 10 وکٹوں سے شکست دے دی۔
راولپنڈی ٹیسٹ میں پاکستان کو شکست دے کر بنگلہ دیش کی ٹیم نے تاریخ رقم کردی جب کہ قومی ٹیم کی بنگال ٹائیگرز کے خلاف طویل دورانیے کی کرکٹ میں یہ پہلی شکست ہے۔
راولپنڈی کرکٹ اسٹیڈیم میں جاری پہلے اور فیصلہ کن ٹیسٹ میچ میں پاکستان کرکٹ ٹیم بنگلادیش کے سامنے بے بس نظر آئی۔
پانچویں اور آخری روز پاکستانی ٹیم بنگلہ دیش کی پہلی اننگز کے 565 رنز کے جواب میں 146 رنز پر آؤٹ ہو گئی۔ اس طرح بنگلہ دیش کو پاکستان پر 419 رنز کی بڑی برتری حاصل ہوگئی۔
پاکستان کی جانب سے کوئی بھی بلے باز بنگلہ دیش کے گیند بازوں کا مقابلہ کرنے میں کامیاب نہ ہوسکا۔ کپتان بابر اعظم 22، عبداللہ شفیق 37 اور محمد رضوان 22 رنز بنا کر آؤٹ ہوئے۔ باقی بلے بازوں کی کارکردگی بھی مایوس کن رہی۔
بنگلہ دیش کی جانب سے شکیب الحسن نے 2، شرف الاسلام، حسن محمود، ناہید رانا اور مہدی حسن نے ایک ایک کھلاڑی کو آؤٹ کیا۔
پاکستان کی کمزور بیٹنگ کی بدولت بنگلا دیش کو جیت کے لیے صرف 30 رنز کا آسان ہدف ملا تھا۔
پاکستان کی اس شکست سے کرکٹ شائقین سخت مایوس ہیں۔ سوشل میڈیا پر پاکستانی ٹیم کی کارکردگی پر شدید تنقید کی جا رہی ہے۔
-
پاکستان 6 گھنٹے پہلے
ملک کے ساتھ غداری کرنے والوں کا انجام بڑا بھیانک ہوتا ہے، اسحاق ڈار
-
پاکستان ایک دن پہلے
پاک فوج کا کامیاب ریسکیو آپریشن: 7کوہ پیماؤں کو بچا لیا
-
تجارت 2 دن پہلے
مرکزی تنظیم تاجران نے 8 ستمبر کو ملک گیر شٹرڈاون ہڑتال کا اعلان
-
ٹیکنالوجی 12 گھنٹے پہلے
ٹیلی گرام کے بانی پاول دورو فرانس میں گرفتار
-
علاقائی 2 دن پہلے
سرگودھا : موٹر وے پر 4 کار سوار پر اسرار طور پر ہلاک
-
پاکستان 6 گھنٹے پہلے
پی ٹی آئی کا 27 اگست کو لاہور میں ہونے والا جلسہ بھی ملتوی
-
دنیا 2 دن پہلے
نیپال کے صوبہ گنداکی میں بھارتی مسافر بس الٹنے سے 14 افراد ہلاک
-
تجارت ایک دن پہلے
سونے کی اُڑان ،نئی تاریخ رقم!