پاکستان
نیو یارک میں پاکستان کے 78 ویں یوم آزادی کے حوالے سے پریڈ کا انعقاد
پریڈ کی قیادت نیویارک پولیس ڈیپارٹمنٹ( این وائے پی ڈی)کے ایک یونٹ اور بینڈ نے کی۔نیویارک پولیس میں خدمات انجام دینے والے پاکستانی امریکیوں کے ایک گروپ نے بھی پریڈ کے ساتھ مارچ کیا
![نیو یارک میں پاکستان کے 78 ویں یوم آزادی کے حوالے سے پریڈ کا انعقاد](/media/116152/conversions/independence-day-1280x720.jpg)
امریکا کے شہر نیو یارک میں پاکستان کے 78 ویں یوم آزادی کے حوالے سے پریڈ کا انعقاد کیا گیاجس میں نیو یارک سٹی کے میئر ایرک ایڈم ، امریکن پاکستانی پبلک افیئرز کمیٹی (اے پی اے سی اے سی) کے چیئرمین ڈاکٹر اعجاز احمد اور سینکڑوں پاکستانی نژاد امریکی شہریوں نے شرکت کی،زیادہ تر پاکستانی قومی لباس میں تھے۔ میئر نیو یارک سٹی ایرک ایڈم نے پاکستانیوں کے اجتماع کو خوش آمدید کہا اور انہیں یوم آزادی کی مبارکباد دی۔ انہوں نے ’’پاکستان زندہ باد‘‘ اور ’’قائد اعظم زندہ باد‘‘ کے نعروں کے درمیان کہا کہ میں پاکستانی کمیونٹی کا دوست ہوں اور ہمیشہ رہوں گا۔
پریڈ کی قیادت نیویارک پولیس ڈیپارٹمنٹ( این وائے پی ڈی)کے ایک یونٹ اور بینڈ نے کی۔نیویارک پولیس میں خدمات انجام دینے والے پاکستانی امریکیوں کے ایک گروپ نے بھی پریڈ کے ساتھ مارچ کیا۔ اس موقع پر پاکستانی ثقافت پر مبنی فلوٹس بھی موجود تھے جن پر بینڈوزنے حب الوطنی کے گیت گائے۔
تقریب سے خطاب کرتے ہوئے اے پی پی اے سی کے چیئرمین ڈاکٹر اعجاز احمد نے امریکی سیاسی نظام میں پاکستانی نژاد امریکی کمیونٹی کی فعال شرکت پر زور دیا اور تجویز پیش کی کہ اس طرح اقدامات سے ملک کےسماجی و اقتصادی منظرنامے پر زیادہ اثر پڑے گا۔ تنظیم کے نمائندے اسد چوہدری نے چیئرمین ڈاکٹر اعجاز احمد کے خاص طور پر نوجوانوں کو مقامی سیاست میں حصہ لینے، ووٹ رجسٹر کرانے اور زیادہ اثر و رسوخ حاصل کرنے کے وژن کے لیے متحد ہونے پر زور دیا۔
پاکستان
شہباز شریف سے چین کی پیپلز لبریشن آرمی کی بری افواج کے کمانڈر کی ملاقات
جنرل لی نے وزیراعظم سے گفتگو کرتے ہوئے کہا کہ چین آہنی بھائی، اسٹریٹجک پارٹنر اور قابل اعتماد دوست کی حیثیت سے پاکستان کے ساتھ اپنے تعلقات کو سب سے زیادہ ترجیح دیتا ہے
![شہباز شریف سے چین کی پیپلز لبریشن آرمی کی بری افواج کے کمانڈر کی ملاقات](/media/116147/conversions/news-1724690537-2738-1280x720.jpg)
: چین کی پیپلز لبریشن آرمی (پی ایل اے) کی بری افواج کے کمانڈر، جنرل لی چیاؤ منگ نے اسلام آباد میں وزیراعظم محمد شہباز شریف سے ملاقات کی ہے،وزیر اعظم نے پاکستان آمد پر جنرل لی کا خیرمقدم کیا ۔
جنرل لی سے گفتگو کرتے ہوئے وزیراعظم نے کہا پاکستان اور چین کے درمیان دہائیوں پر محیط اسٹریٹجک تعلقات ہیں اور دونوں ممالک قابل اعتماد دوست ہیں، دونوں ممالک کے درمیان برادرانہ تعلقات کو پاکستان میں وسیع عوامی، سیاسی اور ادارہ جاتی حمایت حاصل ہے جو دونوں ممالک کی ترقی کے لئے ضروری ہے۔
جنرل لی نے وزیراعظم سے گفتگو کرتے ہوئے کہا کہ چین آہنی بھائی، اسٹریٹجک پارٹنر اور قابل اعتماد دوست کی حیثیت سے پاکستان کے ساتھ اپنے تعلقات کو سب سے زیادہ ترجیح دیتا ہے۔
وزیراعظم نے عسکری سطح پر تبادلوں پر اطمینان کا اظہار کرتے ہوئے کہا کہ پاکستان اور چین کے درمیان دفاعی اور اسٹریٹجک تعلقات خطے میں امن و استحکام کے لیے ناگزیر ہیں۔
انہوں نے چین اور پاکستان کی دوطرفہ دوستی کو تعاون اور اشتراک کی نئی سطحوں تک بڑھانے کی خواہش کا اظہار کیا۔
علاقائی امن و استحکام کو فروغ دینے اور دہشت گردی کے خلاف جنگ میں پاکستان کی مسلح افواج کے کردار کو سراہتے ہوئے جنرل لی نے دونوں مسلح افواج کی صلاحیتوں کو بڑھانے کے لیے پاکستان کے ساتھ اپنے تعاون کو مزید وسعت دینے کے لیے پیپلز لبریشن آرمی کے عزم کا اعادہ کیا۔
دونوں فریقین نے پاک چین دوستی کے مختلف پہلوؤں بالخصوص دوطرفہ دفاعی اور اسٹریٹجک شراکت داری کو مزید بڑھانے پر بھی اتفاق کیا۔
کھیل
ویمنز ٹی ٹونٹی ورلڈ کپ کے لیے نظرثانی شدہ شیڈول کا اعلان
آئی سی سی کے مطابق ٹورنامنٹ بنگلہ دیش سے یو اے ای شفٹ کیا گیا ہے ،میگا ایونٹ 3 اکتوبر سے متحدہ عرب امارات کے دو مقامات پر منعقد ہوگا
![ویمنز ٹی ٹونٹی ورلڈ کپ کے لیے نظرثانی شدہ شیڈول کا اعلان](/media/116150/conversions/news-1724691054-4112-1280x720.jpg)
آئی سی سی نے ویمنز ٹی ٹونٹی ورلڈ کپ کے لیے نظرثانی شدہ شیڈول کا اعلان کر دیا۔
آئی سی سی کے مطابق ٹورنامنٹ بنگلہ دیش سے یو اے ای شفٹ کیا گیا ہے ،میگا ایونٹ 3 اکتوبر سے متحدہ عرب امارات کے دو مقامات پر منعقد ہوگا ،ٹورنامنٹ میں دنیا کی ٹاپ 10 خواتین ٹیموں پر مشتمل ہوگا ،ٹورنامنٹ میں فائنل سمیت مجموعی طور پر 23 میچز کھیلے جائیں گے۔
ٹیکنالوجی
اسلام آباد ہائیکورٹ میں انٹرنیٹ سست روی کے خلاف درخواست پر سماعت 3 ستمبر تک ملتوی
عدالت نے کہا کہ دس دن سے بزنس کمیونٹی شکایت کر رہی ہے انٹرنیٹ سے متعلقہ ہر کوئی شکایت کر رہا ہے
![اسلام آباد ہائیکورٹ میں انٹرنیٹ سست روی کے خلاف درخواست پر سماعت 3 ستمبر تک ملتوی](/media/116155/conversions/news-1724659047-8013-1280x720.jpg)
اسلام آباد ہائیکورٹ نے انٹرنیٹ میں سست روی کے خلاف درخواست پر سماعت 3 ستمبر تک ملتوی کر دی ۔
پیر کو انٹرنیٹ سست روی اور فائر وال کے خلاف اسلام آباد ہائی کورٹ میں دائر کی گئی درخواست پر چیف جسٹس عامر فاروق نے سماعت کی۔عدالت نے آئندہ سماعت تین ستمبر پر حکومت سے تفصیلی رپورٹ طلب کرلی اور ممبر ٹیکنیکل وزارت انفارمیشن ٹیکنالوجی کو آئندہ سماعت ذاتی حیثیت میں طلب کرلیا۔
چیف جسٹس ہائی کورٹ عامر فاروق نے کہا کہ آئی ٹی سے متعلق جو لوگ کام رہے ہیں یہ ساری چیزیں انٹرنیٹ کی مرہون منت ہیں۔پی ٹی اے کے وکیل نے کہا کہ پہلے ہمیں پتا چلا دو کیبلز کٹی ہوئیں تھیں اور اب ہمیں کل میسج آیا تیسری کیبل بھی کٹ گئی ہے۔عدالت نے کہا کہ لاہور ہائی کورٹ میں کیس زیر التواء ہے یہاں بھی کوئی ذمہ داری نہیں لے رہا، کیبل یا کیبلز کٹ گئی ہیں اس کا ذمہ دار پی ٹی اے ہے یا کون ہے؟ ڈپٹی اٹارنی جنرل نے کہا کہ ہماری کسی انسٹالیشن کی وجہ سے کوئی ایشو نہیں آیا۔
عدالت نے کہا کہ دس دن سے بزنس کمیونٹی شکایت کر رہی ہے انٹرنیٹ سے متعلقہ ہر کوئی شکایت کر رہا ہے، حکومت کہہ رہی ہے خراب ہے بس خراب ہے اب یہ پرانا دور تو نہیں جب ایک فون خراب ہوتا تھا تو خراب ہی ہے۔وکیل ایمان مزاری نے کہا کہ انٹرنیٹ چل رہا ہے واٹس ایپ کے فنکشن متاثر ہو رہے ہیں آڈیو ویڈیو صحیح طریقے سے سینڈ نہیں ہو رہیں، چیئرمین پی ٹی اے نے کہا ہے ویب آپریٹنگ سسٹم کو اپ گریٹ کررہے ہیں۔عدالت نے کہا کہ سکیورٹی اور نیشنل انٹرسٹ کا معاملہ ہو تو عدالت کے دیکھنے کے لیے رپورٹ دے دیں ۔
-
علاقائی 13 گھنٹے پہلے
جسٹس نعمت اللہ نے بطور قائم مقام چیف جسٹس سندھ ہائیکورٹ حلف اٹھا لیا
-
پاکستان 9 گھنٹے پہلے
منی لانڈرنگ کیس،عدالتی احکامات پر پی ٹی آئی رہنما مونس الٰہی کا شناختی کارڈ بلاک
-
دنیا ایک دن پہلے
بنگلادیشی سپریم کورٹ کے سابق جج کو عدالت پیشی پر عوام نے تشدد کا نشانہ بنا ڈالا
-
دنیا 2 دن پہلے
نریندر مودی کے طیارے کا پاکستانی حدود استعمال کرنے کا انکشاف
-
پاکستان ایک دن پہلے
ملک کے ساتھ غداری کرنے والوں کا انجام بڑا بھیانک ہوتا ہے، اسحاق ڈار
-
پاکستان 2 دن پہلے
پاک فوج کا کامیاب ریسکیو آپریشن: 7کوہ پیماؤں کو بچا لیا
-
تجارت 6 گھنٹے پہلے
انٹربینک مارکیٹ میں ڈالر کی قیمت میں 8 پیسے کمی
-
علاقائی 2 دن پہلے
چہلم شہدائے کربلا: کراچی سمیت سندھ میں ڈبل سواری پر پابندی