پی ٹی آئی میں اختلاف شدت اختیار کر گئے، عاطف خان اور شیر علی عہدوں سے فارغ

پاکستان تحریک انصاف (پی ٹی آئی) خیبرپختونخوا میں اختلافات شدت اختیار کر گئے۔ 

خیبر پختونخوا کے وزیراعلیٰ علی امین گنڈاپور کی جانب سے حالیہ فیصلے نے سیاسی حلقوں میں ہلچل مچا دی ہے۔انہوں نے اراکین اسمبلی عاطف خان اور شیرعلی ارباب کو پارٹی عہدوں سے ہٹا دیا۔ 

وزیراعلیٰ نے عاطف خان کی جگہ ارباب عاصم کو پی ٹی آئی پشاور ریجن کا صدر مقرر کر دیا۔مزید برآں عرفان سلیم کو پی ٹی آئی ضلع پشاور کا صدر اور شہاب ایڈووکیٹ کو جنرل سیکرٹری مقرر کیا گیاہے۔

یہ اقدام خاص طور پر اس وقت سامنے آیا جب عاطف خان نے برطرف وزیر شکیل خان کے حق میں ایک بیان دیا، جبکہ شیرعلی ارباب نے وزیراعلیٰ پر اعتماد سے متعلق اقرار نامے پر دستخط کرنے سے انکار کر دیا۔