گھوٹکی میں سندھی نیوز چینل کا صحافی بچل گھنیو قتل

گھوٹکی: گھوٹکی کے علاقے رونتی میں ایک دلخراش واقعہ میں سندھی نیوز چینل کے نامور صحافی بچل گھنیو کو قتل کر دیا گیا ہے۔

پولیس کے مطابق ابتدائی تحقیقات سے پتہ چلا ہے کہ نامعلوم ڈاکوؤں نے صحافی کو قتل کیا ہے۔ واقعے کے وقت صحافی بچل گھنیو اپنے کھیتیوں میں تھے جب ان پر حملہ ہوا۔

پولیس کے مطابق ملزمان قتل کرنے کے بعد فرار ہو گئے اور صحافی کی لاش کو اوباڑو ہسپتال منتقل کر دیا گیا ہے۔ پولیس نے واقعے کی تحقیقات شروع کر دی ہیں اور ملزمان کی گرفتاری کے لیے چھاپے مارے جا رہے ہیں۔

اہل علاقہ نے اس واقعے کی شدید مذمت کی ہے اور مطالبہ کیا ہے کہ ملزمان کو جلد از جلد گرفتار کر کے انہیں قانون کے کٹہرے میں لایا جائے۔