پاکستان میں منکی پاکس کے دو نئے کیسز رپورٹ

خیبر پختونخوا میں منکی پاکس کے دو نئے کیسز رپورٹ ہوگئے۔ صوبائی محکمہ صحت کے مطابق باچاخان انٹرنیشنل ایئرپورٹ میں اسکریننگ کے دوران 2 مسافروں میں منکی پاکس کی علامات پائی گئیں۔

تفصیلات کے مطابق محکمہ صحت خیبرپختونخوا کے مطابق ائیر پورٹ سے دونوں مشتبہ مریضوں کو پولیس سروسز اسپتال میں واقع آئی سولیشن وارڈ میں منتقل کیا گیا ہے۔

منکی پاکس کیا ہے اور اس کا علاج کیسے ممکن ہو سکتا ہے ؟ 

اس حوالے سے محکمہ صحت نے بتایا کہ دونوں مشتبہ مریضوں کی مزید اسکریننگ اور انوسٹی گیشن کا عمل شروع کردیا گیا ہے۔

واضح رہے کہ محکمہ صحت کا کہنا ہے کہ باچا خان ایئرپورٹ پر اب تک 20 ہزار 901 اور طورخم بارڈ پر 21 ہزار 40 افراد کی اسکریننگ کی جاچکی ہے، خیبرپختونخوا میں اب تک ایم پاکس کے 2 کنفرم کیسز موجود ہیں۔