پشاور بی آرٹی منصوبہ : صوبائی خزانے کومزیدڈھائی ارب کاٹیکہ

پشاور: پشاور کے میگابی آرٹی منصوبے میں ڈیزائن میں باربارتبدیلی نے آخرکارخیبرپختونخواکے خزانے کومزیدڈھائی ارب کاٹیکہ لگادیا۔ بین الاقوامی ثالثی کمیشن نے کورٹ کے باہر ہی تنازعہ ختم کردیا۔

تنازع ختم ہونے پرپی ڈی اے کنٹریکٹرکو2 ارب 60 کروڑ کی ادائیگی کریگا۔حکومتی ذرائع کے مطابق پشاورکے میگابی آر ٹی کی تعمیر کے تنازعے پر کنٹریکٹرز اور پی ڈی اے کے درمیان معاملات طے پاگئے ہیں،بین الاقوامی ثالثی کمیشن نے بی آر ٹی کے معاملے پر کورٹ کے باہر تنازعہ ختم کردیا ،تصفیے کی حتمی منظوری کابینہ نے دے دی ،ملات طے ہونے پر کنٹریکٹرز فرانس میں قائم ثالثی کمیشن سے اپنا کیس واپس لے گا ۔حکومتی ذرائع کے کاکہناہے کہ کنٹریکٹرز نے پی ڈی اے کیخلاف 152 ارب 19 کروڑ کا دعویٰ دائر کیا تھا ۔ 

کورٹ کے باہر معاملہ طے ہونے پر اب پی ڈی اے 2 ارب 60 کروڑ کی ادائیگی کریگا،تصفیے کے بعد نیب بی آر ٹی کیخلاف 60 دنوں کے اندر تمام کیسز ختم کریگا،حکومت ذرائع کایہ بھی کہناہے کہ کنٹریکٹرزنے ڈیزائن میں تبدیلی کے باعث اضافی رقم کے لیے انٹرنیشنل کورٹس آف جسٹس سے رجوع کیا تھا، انٹرنیشنل کورٹ آف جسٹس میں کیس لڑنے پر بھی ڈھائی ارب سے زیادہ خرچہ آتا تھا، کیس ہارنے کی صورت میں کنٹریکٹر بھی زیادہ کلیم کرسکتے تھے۔جس کے باعث کنٹریکٹرکیساتھ معاملات طے پانے پر مجبور ہوگئے۔

رپورٹ :سیف شیرانی