دنیا
کینیڈا میں مقیم پاکستانی نوجوان داعش کی مدد کی کوشش کے الزام میں گرفتار
شاہزیب نے دو انڈر کور اہلکاروں کے سامنے اعتراف کیا تھا کہ وہ اور امریکہ میں مقیم داعش کا ایک حامی اس حملے کی منصوبہ بندی کر رہے تھے،اٹارنی جنرل گارلینڈکا دعویٰ
ٹورنٹو: کینیڈا میں مقیم 20 سالہ پاکستانی نوجوان محمد شاہزیب خان کو نیویارک میں ایک بڑے پیمانے پر دہشت گردانہ حملے کی سازش کرنے کے الزام میں گرفتار کر لیا گیا ہے۔
امریکی اٹارنی جنرل میریک گارلینڈ نے دعویٰ کیا کہ شاہزیب نیویارک کے یہودی مرکز میں لوگوں کو نشانہ بنانے کی سازش کر رہا تھا۔ کینیڈا میں مقیم پاکستانی نوجوان محمد شاہزیب خان داعش کی مدد کرنے کی کوشش کی۔
امریکی حکام کے مطابق شاہزیب خان نے 7 ستمبر کو نیویارک میں یہودیوں کے ایک بڑے گروہ کو قتل کرنے کی منصوبہ بندی کی تھی۔ تاہم ایف بی آئی اور کینیڈین حکام کی مشترکہ کارروائی کے نتیجے میں اس کی سازش ناکام بنا دی گئی۔
اٹارنی جنرل دعویٰ کیا کہ شاہزیب نے دو انڈر کور اہلکاروں کے سامنے اعتراف کیا تھا کہ وہ اور امریکہ میں مقیم داعش کا ایک حامی اس حملے کی منصوبہ بندی کر رہے تھے۔ ان کا کہنا تھا کہ اگر یہ حملہ کامیاب ہو جاتا تو یہ 11 ستمبر کے بعد امریکہ میں سب سے بڑا دہشت گردانہ حملہ ہوتا۔
شاہزیب نے کینیڈا سے امریکی سرحد پار کرنے کے لیے تین گاڑیاں بدلی تھیں، لیکن امریکی سرحد سے 12 میل کے فاصلے پر واقع اورمز ٹاؤن میں اسے گرفتار کر لیا گیا۔
جرم
مہمند :ایف سی ہیڈکوارٹر پر حملے کی کوشش ناکام، 4 خودکش بمبار ہلاک
ہلاک ہونے والے تمام حملہ آور خودکش جیکٹس پہنے ہوئے تھے،آئی ایس پی آر
پشاور : خیبر پختونخوا کے ضلع مہمند میں ایف سی ہیڈکوارٹر پر فتنہ الخوارج کے حملے کی کوشش ناکام بنا دی گئی ہے۔
پاک فوج کے شعبہ تعلقات عامہ (آئی ایس پی آر) کے مطابق 6 ستمبر کی صبح 4 خوارج کے ایک گروپ نے ایف سی کیمپ پر حملے کی کوشش کی تھی۔ چاروں خودکش بمبار مطلوبہ نقصان پہنچانے سے پہلے ہی مارے گئے۔
آئی ایس پی آر کے مطابق سکیورٹی فورسز نے بروقت کارروائی کرتے ہوئے حملہ آوروں کو کیمپ میں داخل ہونے سے روک دیا اور انہیں ہلاک کر دیا۔ ہلاک ہونے والے تمام حملہ آور خودکش جیکٹس پہنے ہوئے تھے۔ سکیورٹی فورسز نے ان کے قبضے سے خودکش جیکٹس، ڈیٹونیٹرز، اسلحہ اور بارودی مواد بھی برآمد کیا ہے۔
آئی ایس پی آر کےمطابق علاقے میں کلیئرنس آپریشن بھی کیا گیا تاکہ کوئی اور دہشت گرد باقی نہ رہ جائے۔ پاک فوج کے ترجمان کا کہنا ہے کہ سکیورٹی فورسز ملک سے دہشت گردی کے خاتمے کے لیے پرعزم ہیں۔
صحت
اسلام آباد میں 16 سال بعد پولیو کے ایک کیس کی تصدیق
ملک کے مختلف علاقوں میں ماحولیاتی نمونوں میں بھی پولیو وائرس کی موجودگی پائی گئی ہے ،قومی ادارہ برائے صحت
اسلام آباد : دارالحکومت اسلام آباد میں 16 سال بعد پولیو کے ایک کیس کی تصدیق ہوئی ہے ۔
قومی ادارہ برائے صحت کے مطابق ملک کے مختلف علاقوں میں ماحولیاتی نمونوں میں بھی پولیو وائرس کی موجودگی پائی گئی ہے جو کہ اس بیماری کے پھیلاؤ کا ایک واضح اشارہ ہے۔
اسلام آباد میں سنگجانی ٹول پلازہ کے قریب ایک 8 سالہ بچے میں پولیو وائرس کی تصدیق ہوئی ہے۔ اس کے علاوہ دارالحکومت اور راولپنڈی سے جمع کیے گئے ماحولیاتی نمونوں میں بھی پولیو وائرس پایا گیا ہے۔
ملک کے مختلف علاقوں میں پولیو کے 17 کیسز رپورٹ ہو چکے ہیں اور ماحولیاتی نمونوں میں بھی وائرس کی موجودگی کی تصدیق ہوئی ہے۔ بلوچستان میں صورتحال خاص طور پر تشویشناک ہے جہاں 12 کیسز رپورٹ ہو چکے ہیں۔
حکومت نے پولیو کے خاتمے کے لیے بڑے پیمانے پر ویکسینیشن مہم کا آغاز فیصلہ کیا ہے ۔ اس مہم کے تحت ملک کے 115 اضلاع میں 3 کروڑ 30 لاکھ بچوں کو پولیو کے قطرے پلائے جائیں گے۔ حکومت نے بلوچستان میں سیکیورٹی کے سخت اقدامات کرنے کا فیصلہ کیا ہے تاکہ ویکسینیشن مہم کو کامیاب بنایا جا سکے۔
ماہرین کا کہنا ہے کہ پولیو ایک انتہائی خطرناک بیماری ہے اور اس کے خاتمے کے لیے تمام شہریوں کو تعاون کرنا ہوگا۔ والدین کو چاہیے کہ وہ اپنے بچوں کو پولیو کے قطرے ضرور پلائیں۔
پاکستان
14پاکستانی بھارتی جیلوں میں قید کے بعد واہگہ بارڈر کے راستے پاکستان میں داخل
رہا ہونے والے شہریوں کی شناخت محمد آفاق، فقیر حسین، اللہ بسایا، اکبر مسیح، طارق محمود، وسیم، راجو، اللہ بچایو اور گل شیر کے نام سے ہوئی ہے
لاہور: بھارت کی جیلوں میں سزا پوری کرکے رہا ہونے والے چودہ پاکستانی شہری جمعہ کو واہگہ بارڈر کے ذریعے سے پاکستان پہنچ گئے۔
تفصیلات کے مطابق قیدیوں کے اس گروپ میں نو شہری اور پانچ ماہی گیر شامل تھے۔ بھارتی حکام نے انہیں سرحدی گزرگاہ پر پاکستان رینجرز پنجاب کے حوالے کر دیا۔
رہا ہونے والے شہریوں کی شناخت محمد آفاق، فقیر حسین، اللہ بسایا، اکبر مسیح، طارق محمود، وسیم، راجو، اللہ بچایو اور گل شیر کے نام سے ہوئی ہے۔ ماہی گیروں میں عبداللہ، راجن، سگانجیو، غلام مصطفیٰ اور ثمر شامل تھے۔
-
تجارت 2 دن پہلے
عالمی منڈی میں تیل کی قیمتیں 9 ماہ کی کم ترین سطح پر آ گئی
-
پاکستان 17 گھنٹے پہلے
سرکاری اخراجات میں کمی کے باعث وفاقی حکومت نے نئی بھرتیوں پر پابندی عائد کردی
-
دنیا ایک دن پہلے
امریکی صدر کے بیٹے ہنٹر بائیڈن کا ٹیکس چوری کا اعتراف
-
پاکستان 19 گھنٹے پہلے
حکومت کا عید میلادالنبی کے موقع پر 17 ستمبر ملک بھر میں عام تعطیل کا اعلان
-
پاکستان 20 گھنٹے پہلے
اگر فوج غیر جانبدار اور غیر سیاسی ہو چکی ہے تو یہ اچھی بات ہے، عمران خان
-
تجارت ایک دن پہلے
سونے کی قیمتوں میں 2 روز مسلسل کمی کے بعد اضافہ
-
پاکستان 2 دن پہلے
پاکستان میں ربیع الاول کا چاند نظر نہیں
-
تجارت ایک دن پہلے
عالمی منڈی میں پیٹرول کی قیمتوں میں مزید کمی