جلسے جلوسوں سے بانی پی ٹی آئی جیل سے باہر نہیں آئیں گے، عظمیٰ بخاری

وزیر اطلاعات پنجاب عظمیٰ بخاری نے کہا کہ ہمیں جلسے سے نہیں پی ٹی آئی والوں کی کرتوتوں سے ڈر لگتا ہے۔ آج اسلام آباد میں ایک تماشہ ہونے جا رہا ہے لیکن جلسے جلوس سے بانی پی ٹی آئی جیل سے باہر نہیں آئیں گے۔

انہوں نے کہا کہ خیبر پختونخوا کے لوگوں  کو نئے پاکستان کے نام پر ٹیکہ لگا، آج خیبر پختونخوا کے لوگوں کو وہاں سے اٹھا کر یہاں لایا جائے گا، اللہ جانے آج کے جلسے میں شرکت کرنے کا کیا ریٹ ہو گا۔

لاہور میں پریس کانفرنس کرتے ہوئے صوبائی وزیر اطلاعات و نشریات عظمیٰ بخاری نے کہا کہ ہمیں جلسے سے نہیں پی ٹی آئی والوں کی کرتوتوں سے ڈر لگتا ہے۔ آج اسلام آباد میں ایک تماشہ ہونے جا رہا ہے۔

انہوں نے کہا کہ خیبر پختونخوا کے عوام کی بدقسمتی ہے کہ انہیں علی امین گنڈا پور جیسا وزیراعلیٰ ملا، اگر یہ تماشے اور ڈرامے کرنے ہیں تو کے پی میں ہی کر لو، تماشہ اسلام آباد میں لگانے کی کیا ضرورت ہے۔

عظمیٰ بخاری نے کہا کہ جلسہ جلوس سے بانی پی ٹی آئی جیل سے باہر نہیں آئیں گے، کے پی کے لوگوں کے مقدر میں شاید جلسہ جلوس لکھ دیا گیا ہے۔ انہوں نے کہا کہ ریاست سوئی ہوئی نہیں ہے جو بھی جلسہ کرنے آ رہے ہیں ان کو قانون کے مطابق آنا ہو گا۔ حالات خراب کرنے کے علاوہ آپ کو سب کچھ کرنے کی اجازت ہے۔

انہو ںنے مزید کہا کہ ڈیرہ غازی خان کے حالات بہت زیادہ بہتر نہیں ہیں، وزیراعلیٰ پنجاب مریم ن واز نے ڈی جی خان کے دورے کے دوران نیوٹریشن پروگرام کا آغا کیا ہے، اس کے علاوہ وزیراعلیٰ پنجاب مریم نواز شریف نے عوام کی سہولیا کے لئے اپنا گھر اپنی چھت پروگرام بھی پنجاب کے پسماندہ علاقوں کے شہریوں کیلئے شروع کیا ہے۔