پاکستان
سینیٹ اجلاس : سینیٹر فیصل واوڈا کی پی ٹی آئی پر کھلی تنقید
سینیٹ اجلاس کے دوران خطاب کرتے ہوئے سینیٹر فیصل واوڈا نے پی ٹی آئی پر تنقید کی جب کہ تقریر کے دوران اپوزیشن شور شرابا کرتی رہی
![سینیٹ اجلاس : سینیٹر فیصل واوڈا کی پی ٹی آئی پر کھلی تنقید](/media/117851/conversions/فیصل-واوڈا-1280x720.jpg)
اسلام آباد: سینیٹ اجلاس کے دوران فیصل واوڈا نے پی ٹی آئی پر تنقید کرتے ہوئے کہا کہ یہ لوگ پیر پکڑتے ہیں، معافی مانگتے ہیں اور منتیں کرتے ہیں۔
سینیٹ اجلاس کے دوران خطاب کرتے ہوئے سینیٹر فیصل واوڈا نے پی ٹی آئی پر تنقید کی جب کہ تقریر کے دوران اپوزیشن شور شرابا کرتی رہی۔
سینیٹر فیصل واوڈا نے کہا کہ یہ ہمیں کہتے ہیں بانی پی ٹی آئی کی عزت کرو، ہم نے اس پارٹی کو 15 سال پیسہ اور خون دیا۔ یہ لوگ گالیاں دے رہے ہیں، سارجنٹ کو بلائیں اور گرفتار کروائیں، گالیاں حذف کرنےسے کام نہیں چلے گا۔
انہوں نے کہا کہ آپ فوج سے بات کرنے کے لیے مر رہے ہیں جب کہ یہ لوگ پیر پکڑتے ہیں اور معافی مانگتے ہیں منتیں کرتے ہیں۔ علی امین گنڈاپور کہتے ہیں ہم جیل کو توڑیں گے، جیل توڑنے کی بات کرتے ہیں تو بانی کی ذمہ داری بھی گنڈاپور کی ہے۔
فیصل واوڈا کہتے ہیں کہ گرفتاریاں پارلیمنٹ سے ہوئیں تو کہتے ہیں مذمت کرتے ہیں، اگر پاکستان کو توڑنے کی بات نہ کرتے تو آپ کے ساتھ کھڑے ہوتے۔ پی ٹی آئی کے لوگوں کی ماں اور بہنوں کو اپنا سمجھتے ہیں، سندھی، پٹھان اور پنجابی ہونے کی ضرورت نہیں۔
ان کا کہنا تھا کہ ایک بٹن دبا کر ان کو منہ دکھانے کے قابل نہیں چھوڑوں گا، کیسا اتفاق تھا، بانی پی ٹی آئی، فیض حمید اور مراد سعید سب کو پتا تھا جب کہ ایک بے گناہ آدمی کو اپنی سیاست کے لیے مروا دیا گیا، جس باپ کی آپ بات کررہے ہیں اسی کے سر پر بیٹھ کر آپ آئے تھے۔
فیصل واوڈا نے بتایا کہ آپ فیض حمید کی گود میں بیٹھ کر آئے تھے، آپ ہماری ماؤں بہنوں کو گالیاں دیں تو کیا ہم برداشت کریں گے؟ جب کہ ملک میں جلاؤ گھیراؤ کا ماحول ہے۔
انہوں نے یہ بھی کہا کہ آرمی چیف نے اپنے ادارے میں احتساب شروع کرکے ایک ماحول بنایا، آرمی چیف نے ملک کو ترجیح دے کر اپنے ہی جنرل کا احتساب شروع کیا جب کہ پی ٹی آئی نیب ترامیم کے خلاف تھی پھرخود ہی فائدہ اٹھالیا۔
فیصل واوڈا نے مزید کہا کہ پی ٹی آئی پاکستان کو توڑنے کی کوشش نہ کرے، جیسے پاک فوج میں احتساب شروع ہوا ہمیں بھی کرنا چاہیے، میرا اختلاف ن لیگ کی سیاست سے ہے۔
پاکستان
بیرسٹر گوہر کو اسلام آباد پولیس کی جانب سے رہا کردیا گیا
بیرسٹر گوہر کو کل سنگجانی جلسہ میں حکومتی خلاف ورزیوں کے با عث حراست میں لیا گیا تھا
![بیرسٹر گوہر کو اسلام آباد پولیس کی جانب سے رہا کردیا گیا](/media/117837/conversions/379062_3298121_updates-1280x720.jpg)
پی ٹی آئی کے موجودہ چئیرمین پیرسٹر گوہر کو اسلام آباد پو لیس کی جانب سے رہا کردیا گیا ۔
تفصیلات کے مطابق بیرسٹرکو اسلام آباد پولیس کی جانب سے رہا کر دیا گیا ۔
واضح رہے کہ بیرسٹر گوہر اور شیر افضل مروت کو کل سنگجانی جلسہ میں حکومتی خلاف ورزیوں کے با عث حراست میں لیا گیا تھا ۔
پی ٹی آئی رہنما شیر افضل مروت جو سنکجانی مقدمہ میں بھی ڈسچارج کر دیا گیا ۔
پاکستان
پاکستان میں جمہوری عمل اور آئین کو آزادی دو ، سلمان اکرم راجہ
پریس کانفرنس سے خطاب کرتے ہوئے،عمر ایوب اپوزیشن لیڈر نے اپنی پارٹی کے اسلام آباد میں ہونے والے عوامی اجتماع کو روکنے کے لیے تمام حربے استعمال کرنے پر مخلوط حکومت پر تنقید کی
![پاکستان میں جمہوری عمل اور آئین کو آزادی دو ، سلمان اکرم راجہ](/media/117844/conversions/news-1725974014-3197-1280x720.jpg)
پشاور: پاکستان تحریک انصاف (پی ٹی آئی) کی قیادت نے رات گئے پولیس کریک ڈاؤن میں پارلیمنٹ ہاؤس سے اس کے متعدد رہنماؤں کی گرفتاری کے ایک دن بعد منگل کو اپنی حکومت مخالف تحریک جاری رکھنے کا عزم ظاہر کیا۔
پشاور میں پریس کانفرنس سے خطاب کرتے ہوئے سلمان اکرم راجہ کا کہنا تھا کہ کوئی غلط فہمی میں نہ رہے کیونکہ لوگ اٹھ کھڑے ہوئے ہیں۔
سابق حکمران جماعت کی کور کمیٹی کے اجلاس کے اختتام کے بعد ہونے والی پریس کانفرنس میں عمر ایوب خان، اسد قیصر، اعظم سواتی اور سلمان اکرم راجہ سمیت پارٹی رہنما بھی موجود تھے۔
انہوں نے کہا کہ کچھ لوگ ملک کے سیاسی اور جمہوری عمل کو متاثر کر رہے ہیں،" راجہ نے الزام لگایا، انہوں نے مزید کہا کہ وہ پیچھے نہیں ہٹیں گے اور کسی کو پاکستانیوں کی آواز دبانے نہیں دیں گے۔
اسلام آباد کے جلسے میں پی ٹی آئی رہنماؤں کی تقاریر کا دفاع کرتے ہوئے وکیل اور سیاستدان کا کہنا تھا کہ سیاسی پاور شو کا ماحول مختلف ہوتا ہے۔
اپوزیشن جماعت نے قانون سازوں کی گرفتاریوں کی شدید مذمت کی، بشمول پارلیمنٹ سے کچھ ایم این ایز کی حراست، اسلام آباد میں اس کی قیادت کے خلاف پولیس کے کریک ڈاؤن میں عوامی اجتماع کے قانون کی مبینہ خلاف ورزیوں پر شروع کیا گیا۔
پریس کانفرنس کے آغاز میں صحافیوں نے خیبرپختونخوا کے وزیر اعلیٰ علی امین گنڈا پور کی جانب سے دو روز قبل پی ٹی آئی کے اسلام آباد پاور شو میں اپنی دھماکہ خیز تقریر کے دوران صحافیوں کے خلاف ریمارکس پر شدید احتجاج کیا۔
صحافیوں نے سوال کیا کہ کے پی کے چیف ایگزیکٹو پریس کانفرنس سے کیوں غیر حاضر رہے جن کے لیے عمر نے یقین دہانی کرائی تھی کہ وہ اپنے ناشائستہ ریمارکس پر معافی مانگیں گے۔ راجہ نے جواب دیا کہ وزیراعلیٰ گنڈاپور اسمبلی اجلاس کے لیے روانہ ہوئے۔
پریس کانفرنس سے خطاب کرتے ہوئے،عمر ایوب اپوزیشن لیڈر نے اپنی پارٹی کے اسلام آباد میں ہونے والے عوامی اجتماع کو روکنے کے لیے تمام حربے استعمال کرنے پر مخلوط حکومت پر تنقید کی۔
انہوں نے مزید کہا کہ مخلوط حکومت میں شامل حکمران جماعتوں نے عمران کی قائم کردہ پارٹی پر جھوٹے الزامات لگائے اور اس کے رہنماؤں کو جیلوں میں ڈالا۔
پاکستان
سپریم کورٹ کا نیشنل پارک ایریا میں قائم ریسٹورنٹس کو ہٹانے کا فیصلہ برقرار، نظرثانی درخواستیں خارج
رضاکارانہ طور پر 3 ماہ میں ریسٹورنٹس ختم کرنے کی یقین دہانی کے بعد نظرثانی دائر کرنا توہین آمیز ہے،فیصلہ
![سپریم کورٹ کا نیشنل پارک ایریا میں قائم ریسٹورنٹس کو ہٹانے کا فیصلہ برقرار، نظرثانی درخواستیں خارج](/media/117787/conversions/monal-1280x720.jpg)
سپریم کورٹ نے نیشنل پارک ایریا میں قائم مونال ریسٹورنٹ، لاء مونتالہ، گلوریہ جیز سمیت دیگر ریسٹورنٹس کو ہٹانے کا فیصلہ برقرار رکھتے ہوئے نظرثانی درخواستیں خارج کر دیں۔
سپریم کورٹ کی جانب سے نیشنل پارک ایریا میں تجارتی سرگرمیوں سے متعلق نظرثانی درخواستوں کا فیصلہ سنا دیا گیا۔عدالت نے مونال ریسٹورنٹ، لاء مونتالہ، گلوریہ جیز سمیت دیگر ریسٹورنٹس کو ہٹانے کا فیصلہ برقرار رکھتے ہوئے نظرثانی درخواستیں خارج کردیں۔
سپریم کورٹ نے نیشنل پارک ایریا میں قائم ریسٹورنٹس کے حق میں دی گئی آبرزویشنز واپس لے لیں جبکہ عدالت نے مونال سمیت دیگر ریسٹورنٹس کو کسی اور مقام پر لیز کے وقت ترجیح دینے کی آبرزیشن بھی واپس لے لی۔
فیصلے میں کہا گیا ہے کہ مونال ریسٹورنٹ، لاء مونتانہ اور دیگر ریسٹورنٹس نے رضاکارانہ طور پر 3 ماہ میں ریسٹورنٹس ختم کرنے کی یقین دہانی کرائی ہے لہٰذا یقین دہانی کے باوجود نظرثانی دائر کرنا عدالت کے ساتھ مذاق ہے، رضاکارانہ طور پر 3 ماہ میں ریسٹورنٹس ختم کرنے کی یقین دہانی کے بعد نظرثانی دائر کرنا توہین آمیز ہے۔
سپریم کورٹ نے سی ڈی اے کو کہا کہ ان ریسٹورنٹس کو دیگر علاقوں میں ترجیح بنیادوں پر لیز دی جائے، عدالت نے قرار دیا کہ کسی اور مقام پر ریسٹورنٹس کی لیز میں نیشنل پارک ایریا کے ریسٹورنٹس کو ترجیح دی جائے۔ فیصلے میں واضح کیا گیا کہ سپریم کورٹ لیز کے عمل میں ترجیح دینے کے اپنے فیصلے کو حذف کرتی ہے، اس لیے سپریم کورٹ کے فیصلے پر من و عن عمل کیا جائے۔
واضح رہے کہ 11 جون کو سپریم کورٹ نے مارگلہ کی خوبصورت پہاڑیوں پر واقع مونال سمیت نیشنل پارک ایریا سے تین ماہ کے اندر ریسٹورنٹس کو منتقل کرنے کا حکم دیا تھا۔
-
پاکستان 2 دن پہلے
جلسہ ختم نہ کرنے پر پی ٹی آئی کے خلاف ایکشن شروع
-
علاقائی ایک دن پہلے
اسلام آباد میں ریڈ زون کو اچانک سیل کردیا گیا
-
جرم 5 گھنٹے پہلے
رحیم یار خان میں پرامن انتخابات کے انعقاد کیلئے دفعہ 144 نافذ
-
پاکستان 2 دن پہلے
عارف علوی کی سوشل میڈیا پر جلسے کی پرانی تصاویر شیئر کرنے پر معذرت
-
دنیا 13 گھنٹے پہلے
متحدہ عرب امارات میں 12 ربیع الاوّل کو عام تعطیل کا اعلان
-
پاکستان ایک دن پہلے
نیب نے عمران خان اور بشریٰ بی بی کے خلاف نیا توشہ خانہ کیس واپس لے لیا
-
علاقائی ایک دن پہلے
خیبر پختونخوا کے مختلف علاقوں میں 4.5 شدت کا زلزلہ
-
پاکستان ایک دن پہلے
نجی ٹی وی کے سابق نیوز اینکر عبداللہ ٹریفک حادثے مٰیں جاں بحق