نامور اداکارہ شگفتہ اعجاز کے شوہر یحییٰ صدیقی انتقال کر گئے

کراچی : پاکستانی ڈرامہ انڈسٹری کی نامور اداکارہ شگفتہ اعجاز کے شوہر یحییٰ صدیقی طویل علالت کے بعد انتقال کر گئے ہیں۔

اداکارہ نے خود اس افسوسناک خبر کی تصدیق سوشل میڈیا پر کی ہے۔ انہوں نے اپنے انسٹاگرام اکاؤنٹ پر اپنے شوہر کی تصویر شیئر کرتے ہوئے لکھا کہ ان کے شوہر جمعرات کو خالق حقیقی سے جا ملے ہیں۔

شگفتہ اعجاز نے اپنے شوہر کی مغفرت کے لیے دعا کی درخواست کی ہے اور اپنے مداحوں سے ان کے لیے سورۃ فاتحہ پڑھنے کی اپیل کی ہے۔

 

 

 

 

 

View this post on Instagram

 

 

 

 

 

 

 

 

 

 

 

A post shared by Shagufta Ejaz (@shaguftaejazofficial)

واضح رہے کہ یحییٰ صدیقی گزشتہ کئی دنوں سے بیمار تھے اور انہیں ہسپتال میں زیر علاج رکھا گیا تھا۔ وہ کئی سالوں سے کینسر کی بیماری میں مبتلا تھے۔

شگفتہ اعجاز نے حال ہی میں اپنے وی لاگ میں بتایا تھا کہ ان کے شوہر کی حالت ٹھیک نہیں ہے۔

شگفتہ اعجاز اور یحییٰ صدیقی دونوں کی یہ دوسری شادی تھی اور ان دونوں کے پہلی شادی سے دو دو بچے ہیں۔