کنشاسا : کانگو کی فوجی عدالت نے رواں سال مئی میں ملک میں حکومت کے خلاف ناکام بغاوت کے مقدمے میں 3 امریکیوں سمیت 37 افراد کو سزائے موت سنائی ہے۔ 

غیر ملکی خبر رساں ادارے کے مطابق یہ افراد مئی میں کانگو کے دارالحکومت کنشاسا میں ایوان صدر پر حملے میں ملوث تھے۔ اس حملے میں سکیورٹی فورسز نے حملہ آوروں کے لیڈر، کانگو نژاد امریکی سیاست دان کرسٹیان مالنگا کو ہلاک کر دیا تھا۔

سزائے موت پانے والوں میں مالنگا کا 20 سالہ بیٹا مارسیل مالنگا اور اس کا 20 سالہ دوست ٹیلر تھامسن بھی شامل ہیں۔ تیسرا امریکی شہری بینجمن زیلمان پولون تھا جو مالنگا کے کاروبار سے منسلک تھا۔ 

عدالت نے ان تینوں امریکی شہریوں سمیت تمام ملزمان کو مجرمانہ سازش، دہشت گردی اور دیگر جرائم کا مجرم قرار دیا ہے۔

لاہور : پنجاب حکومت نے عدالتی فیسوں میں کمی کا اعلان کرتے ہوئے نوٹیفکیشن جاری کر دیا۔ گورنر پنجاب سردار سلیم حیدر کی منظوری کے بعد بورڈ آف ریونیو پنجاب نے یہ نوٹیفکیشن جاری کیا گیا ۔ 

اس نوٹیفکیشن کے مطابق اب سول کورٹ سے کسی بھی آرڈر یا فیصلے کی مصدقہ کاپی حاصل کرنے کے لیے صرف 100 روپے کی فیس ادا کرنی ہوگی۔ اسی طرح، ہائی کورٹ سے آرڈر یا فیصلے کی مصدقہ کاپی کے لیے 500 روپے کی فیس مقرر کی گئی ہے۔

پنجاب ٹیننسی ایکٹ 1887 کے تحت بورڈ آف ریونیو یا کمشنرز کو نظر ثانی درخواست یا سی پی سی سیکشن 15 کے تحت ہائیکورٹ میں نظر ثانی درخواست پر بھی اب صرف 500 روپے کی فیس ادا کرنی ہوگی۔

اسی طرح، کسٹم، ایکسائز، لینڈ ریونیو اور سول کورٹ میں 10 ہزار روپے سے کم ویلیو کے کیسز میں درخواست پر صرف 10 روپے کی فیس اور کورٹ ریونیو یا رینٹ درخواست پر بھی صرف 10 روپے کی فیس ادا کرنی ہوگی۔

سینیٹ کےکل  ہوانے والے اجلاس کا5نکات پرمشتمل ایجنڈاجاری کردیا گیا ہے۔

اسلام آباد میں سینیٹ کےکل  ہوانے والے اجلاس کا5نکات پرمشتمل ایجنڈاجاری کیا گیا ہے،سینیٹ کااجلاس کل شام 4بجے پارلیمنٹ ہاؤس میں ہوگا ۔

سینیٹ کےکل ہوانے والے اجلاس میں عدالتی اصلاحات سےمتعلق آئینی ترمیمی بل سینیٹ کےایجنڈامیں شامل نہیں  ہے،قائدایوان اسحاق ڈاراجلاس کیلئےوقفہ سوالات ختم کرنےکی تحریک پیش کریں گے ،ضمیرحسین گھمروخیرپورکوگیس کی عدم فراہمی کےمتعلق توجہ دلاؤنوٹس پیش کریں گے ۔

سینیٹ اجلاس میں سیف اللہ ابڑوحیدرآباد الیکٹرک سپلائی کےمتعلق توجہ مبذول کرانےکا نوٹس پیش کریں گے ،صدرمملکت کےپارلیمنٹ سےخطاب پرمزید بحث بھی اجلاس کےایجنڈے میں شامل ہے۔

سینیٹ سیکرٹریٹ ذرائع کی جانب سے جاری کی گئی معلومات کے مطابق آئینی ترمیمی بل پیش کرنےکی صورت میں سپلیمنٹری ایجنڈا جاری کیاجائےگا۔