سندھ ہائیکورٹ نے پاکستان تحریک انصاف (پی ٹی آئی) کو جلسے کی اجازت نہ دینے اور سکیورٹی خدشات سے متعلق رپورٹ طلب کرتے ہوئے ڈپٹی کمشنر شرقی کو پی ٹی آئی کی نئی درخواست پر جائزہ لے کر رپورٹ پیش کرنے کا حکم دے دیا

سندھ ہائیکورٹ میں کراچی کے باغ جناح میں پی ٹی آئی کو جلسے کی اجازت نہ ملنے کے معاملے پر ڈپٹی کمشنر ایسٹ اور ایس ایس پی کے خلاف توہین عدالت کی درخواست کی سماعت ہوئی، اس سلسلے میں ڈی سی اور متعلقہ حکام عدالت میں پیش ہوئے۔

جسٹس یوسف علی سعید نے سوال کیا کہ پی ٹی آئی کو جلسے کی اجازت کیوں نہیں دی جارہی ہے اور معاملے کو کیوں لٹکایا جارہا ہے؟ جس پر ڈپٹی کمشنر ایسٹ نے بتایا کہ سکیورٹی کلیئرنس نہ ملنے پر جلسہ کرنے کی اجازت نہیں دی جارہی، کون سکیورٹی کلیئرنس نہیں دے رہا؟ جس پر ڈپٹی کمشنر ایسٹ نے جواب دیا کہ انٹیلی جنس رپورٹس کے مطابق جلسے کے دوران دہشت گردی کا خطرہ ہے۔

عدالت نے استفسار کیا کہ کراچی میں سکیورٹی کا کیا مسئلہ ہے، کسی اور سیاسی جماعت کا جلسہ نہیں ہورہا؟ اگر سکیورٹی کا اتنا ہی مسئلہ ہے تو پھر شہر میں جلسے جلوسوں پر پابندی لگادیں، کراچی میں کئی متیادل جگہیں ہیں، درخواست گزار کو وہاں جلسہ کرنے کی اجازت دی جاسکتی ہے، جس پر ڈپٹی کمشنر نے کہا کہ سکیورٹی خطرات کے پیش نظر کراچی میں پی ٹی آئی کو کہیں بھی جلسہ کرنے کی اجازت نہیں دی جاسکتی۔

سندھ ہائیکورٹ نے پوچھا کہ کہاں ہیں منٹس آف میٹنگ؟ جس میں سکیورٹی خطرات کی نشاندہی کی گئی ہے؟ جس پر بیرسٹر علی طاہر نے بتایا کہ پی ٹی آئی کراچی میں 7 اکتوبر کو جلسہ کرنا چاہتی ہے، متعلقہ حکام کو پی ٹی آئی کی جلسہ سے متعلق نئی درخواست پر نظر ثانی کی ہدایت دی جائے، کراچی میں آئے روز دیگر سیاسی جماعتوں کے جلسے ہورہے ہیں۔

بعدازاں عدالت نے ڈپٹی کمشنر شرقی کو پی ٹی آئی کی نئی درخواست پر جائزہ لے کر رپورٹ پیش کرنے کا حکم دے دیا اور درخواست کی سماعت 2 اکتوبر تک ملتوی کردی۔

افغان قونصل جنرل کا پاکستان کے قومی ترانے کے احترام میں کھڑے نہ ہونے کے معاملہ پر دفتر خارجہ نے افغان حکام کے سامنے شدید احتجاج کیا۔

اسلام آباد میں ترجمان دفتر خارجہ کی جانب سے جاری کی گئی معلومات کے مطابق افغان قونصلیٹ حکام کی بدتہذیبی اورسفارتی اصولوں کی سنگین خلاف ورزی افغان ناظم الامورکی دفترخارجہ طلب کیا گیا ہے،پاکستان نے پشاورواقعےپرشدیداحتجاج کیا ۔

ترجمان دفتر خارجہ کی جانب سے جاری کی گئی  پریس ریلیز میں کہا گیا ہے کہ پشاورواقعےپرپاکستان کی جانب سےافغان ناظم الامورکواحتجاجی مراسلہ دیاگیا،پاکستان کی پشاورمیں قومی ترانےکی بےاحترامی کی مذمت کی ہے،قومی ترانےکےوقت احتراماکھڑے نہ ہوناسفارتی آداب کےمنافی ہے۔

واضح رہے کہ پشاور میں رحمت العالمین کانفرنس میں افغان قونصلیٹ کےعہدیداروں کووزیراعلی خیبرپختونخواہ  نےدعوت دی،افغان کونسل جنرل محب اللہ شاکرپاکستان کےقومی ترانےکےدوران بیٹھےرہے ،سفارتی پروٹوکول کی دھجیاں اڑاتےہُوئےڈِٹھائی اور بےشرمی  کےساتھ اپنی سیٹوں پربیٹھےرہے۔

یران نے لبنان میں ہونے والے پیجر دھماکوں کی شدید الفاظ میں مذمت کرتے ہوئے اسے صیہونی رجیم کی جانب سے دہشتگردی اور قتل عام کی سازش قرار دیدیا ہے۔

ایرانی محکمہ خارجہ کے ترجمان ناصر کنعانی نے اپنے ایک بیان میں کہا کہ لبنان میں کمیونیکیشن ڈیوائس میں دھماکے اسرائیل اور اس کے حواریوں کی جانب سے جنگی اخلاقیات اور بین الاقوامی انسانی قوانین کی کھلی خلاف ورزی ہے۔ عالمی انسانی قوانین کی اس کھلی خلاف ورزی پر عالمی برادری پر زور دیا کہ اسرائیل کے خلاف جنگی جرائم کے ارتکاب پر کارروائی کرکے اسے اس عمل پر سزا دی جائے۔

فلسطینی مزاحمتی تنظیم حماس نے بھی لبنان میں ہونے والے پیجر دھماکوں کو اسرائیلی جارحیت کا حصہ قرار دے دیا تھا۔ ایک بیان میں حماس نے کہا پیجر دھماکوں سے بڑھنے والی کشیدگی اسرائیل کو ناکامی اور شکست کی طرف لے جائے گی۔

دوسری طرف امریکا نے لبنان میں پیجردھماکوں سے لاتعلقی کا اعلان کرتے ہوئے کہا ہے کہ کسی بھی آپریشن میں شہری حملوں کا نشانہ نہیں ہونے چاہئیں۔

امریکی محکمہ خارجہ کے ترجمان میتھیو ملرنے کہا کہ لبنان میں حزب اللہ پر پیجر دھماکوں سے متعلق معلومات جمع کررہے ہیں، دھماکوں کے پیچھے کون ہوسکتا ہے اس بارے میں ابھی کچھ نہیں کہا جاسکتا۔ چاہتے ہیں کہ اسرائیل اور حزب اللہ کے درمیان تنازعے کا سفارتی حل نکلے، مشرق وسطیٰ میں کشیدگی بڑھانے والا کوئی بھی اقدام امریکا کیلئے باعث تشویش ہے۔