لبنان کو غزہ کی طرح کھنڈرات میں تبدیل ہونے سے بچانا ہوگا، انتونیو گوتریس

سیکرٹری جنرل اقوام متحدہ انتونیو گوتریس نے کہا ہے کہ لبنان کو غزہ کی طرح کھنڈرات میں تبدیل ہونے سے بچانا ہوگا۔لبنان کو ایک اور غزہ بننے نہیں دیا جاسکتا۔

انہوں نے کہا کہ سلامتی کونسل کے پاس کچھ اختیارات ہیں مگر ویٹو پاور کی وجہ سے مفلوج ہے۔لبنان اسرائیل جنگ کو ہر صورت روکنا ہوگا، غزہ جنگ طویل ہوگئی، بدترین تباہی کے ساتھ شہری تکلیف میں ہیں، جنہوں نے غزہ جنگ شروع کی وہی اسکے ذمہ دار ہیں۔

خیال رہے کہ اسرائیل حزب اللّٰہ جھڑپوں میں تیزی آگئی ہے، اسرائیل کے حزب اللّٰہ کے ٹھکانوں پر 80 حملے کئے گئے جبکہ حزب اللہ نے شمالی اسرائیل پر 45 راکٹ حملے کئے۔

امریکی سلامتی مشیر جیک سلیوان نے علاقائی کشیدگی بڑھنے کا خطرہ ظاہر کرتے ہوئے اپنے شہریوں کو فوری لبنان چھوڑنے کی ہدایت کر دی ہے۔