کوئٹہ :کانگو وائرس سے ایک اور مریض جاں بحق،اموات کی تعداد 9 ہوگئی

کوئٹہ : بلوچستان میں کانگو وائرس کا پھیلاؤ تشویشناک صورت اختیار کر گیا ہے۔ کوئٹہ سے تعلق رکھنے والا 16 سالہ خان محمد کانگو وائرس سے متاثر ہو کر جاں بحق ہو گیا۔ 

ذرائع کے مطابق خان محمد کو کان اور منہ سے خون آنے کی شکایت پر فاطمہ جناح ہسپتال منتقل کیا گیا تھا، جہاں انہیں کانگو وائرس کی تشخیص ہوئی۔ ہسپتال انتظامیہ کے مطابق ان کا مزید علاج کے دوران انتقال ہو گیا۔ 

اس کے ساتھ ہی بلوچستان میں رواں سال کانگو وائرس سے اموات کی تعداد 9 تک پہنچ گئی ہے جبکہ صوبے میں رپورٹ کیسز کی تعداد 35 ہو چکی ہے۔