سکولوں میں سکینڈ شفٹ شروع کرنے کا فیصلہ, امتحانات 25 جون تک منعقد ہوں گے

تفصیلات کے مطابق خیبر پختونخواہ کے سکولوں میں سکینڈ شفٹ پروگرام شروع کرنے کا فیصلہ کرلیا گیا ، اس حوالے سے وزیرتعلیم شہرام خان ترکئی نے کہا ہے کہ اگست سے سکینڈ شفٹ پروگرام شروع کرنے کا فیصلہ کیا گیا ہے ، اولیں ترجیع خیبر پختونخوا کے دو آفتادہ اضلاع کو دی جائیگی ۔ 

مزید پڑھیں : تعلیمی اداروں میں موسم گرما کی تعطیلات سے متعلق اہم اعلان

ان کا کہناتھاکہ سکینڈ شفٹ پروگرام کا مقصد ڈراپ آؤٹ ریشیو کو کم کرنا ہے ، سکینڈ شفٹ میں سکولوں کو اپ گریڈ کیا جائیگا جبکہ پرائمری میں مڈل اور مڈل میں ہائی جبکہ ہائی میں ہائیر سکینڈری کی تعلیم دی جائیگی ۔ صوبائی وزیرتعلیم نے کہا کہ موجودہ ٹیچرز کو بھی موقع دیا جائیگا اور نئے اساتذہ بھی بھرتی ہوں گے ۔ سکینڈ شفٹ سکول کے اوقات کار نارمل سکول چھٹی کے بعد شروع ہوں گے ۔

مزید پڑھیں : سائنووک اور سائنوفارم ویکیسن کی دوسری خوراک لگوانے کے بُری خبر

واضح رہے کہ خیبر پختونخواہ کے محکمہ تعلیم نے پشاورمیں جماعت اول  سے آٹھویں تک امتحانات لینے کا فیصلہ کرتے ہوئے سالانہ امتحانات 21 جون سے 25 تک منعقد کرنے کی ہدایات کردی تھی  جبکہ امتحانات کے نتائج کا اعلان 28 جون 2021 کو کیا جائیگا۔ پہلی جماعت سے لیکر آٹھویں جماعت تک سالامہ امتحانات انگلش ، اردو ، ریاضی اور جنرل سائنس میں لیے جائیں گے ۔