فاسٹ اینڈ فیورئیس 9 کا ورلڈ پریمیئر کل ہوگا

کورونا وبا کے باعث ہالی وڈ کی  متعدد فلمیں کئی بار تاخیر کا شکار ہو چکی ہیں جس میں "فاسٹ اینڈ فیوریئس 9 "  بھی شامل ہے   تاہم اب فلم کا ورلڈ پریمیئر کل  پیش کیا جا ئے گا ۔  غیرملکی میڈیا رپورٹس کے مطابق فاسٹ اینڈ فیوریس9 روس اور مشرق وسطیٰ میں ریلیز کردی گئی  ہے جبکہ برطانیہ اورامریکہ میں  کل اس کا پریمئیر ہوگا ۔ رواں سال سینما گھروں میں خصوصی طور پر ریلیز ہونے والی بڑے بجٹ  کی یہ پہلی فلم ہے ۔ فلم کی کہانی   تیزرفتار کاروں اور بدلے کی آگ میں جلتے کرداروں پر مبنی ہے۔

فلم کی ہدایات ایف گیری گرے نے دی ہیں جبکہ نمایاں اداکاروں میں چارلیزتھرون، مشعل روڈریگوئز، ڈیوین جانسن اور لوکس بلیک شامل ہیں۔ہالی ووڈ فلم’ فاسٹ اینڈ فیوریس 9‘ میں اس مرتبہ مرکزی کردار نبھانے والے اداکار ون ڈیزل کا 10 سالہ بیٹا ونسنٹ بھی والد کے ساتھ فلم میں اداکاری کرتے ہوئے اپنا ڈیبیو کرے گا۔