دو دن مسلسل  کمی کے بعد سونا ایک بار پھر مہنگا

آل پاکستان جیمز اینڈ جیولر ایسوسی ایشن کے مطابق ملک بھر میں سونے کی قیمت میں 2 ہزار روپے کا اضافہ ہوا ہے جس سے سونے کی نئی قیمت2 لاکھ 84 ہزار 300 روپے ہو گئی ہے۔

 جبکہ 10گرام سونے کی قیمت  میں 1 ہزار 714 روپے کا اضافہ ہوا جس کے بعد دس گرام سونا 2 لاکھ 43 ہزار 741 روپے کا ہو گیا۔

عالمی مارکیٹ میں سونے کی فی اونس قیمت 22 ڈالر کے اضافے  سے  2748 ڈالر ہو گئی ہے۔

واضح رہے کہ گزشتہ روز سونے کی قیمت میں  800 جبکہ اس سے ایک روز قبل 2300 روپے فی تولہ کمی دیکھنے میں آئی  تھی۔