دکی: ایف سی کی گاڑی پر دھماکے سے 4 اہلکار زخمی

بلوچستان کے ضلع دکی کے علاقے  مندے تک کے مقام پر ایف سی کی گاڑی پر دھماکہ ہوا، جس  کے نتیجے میں چار ایف سی اہلکار زخمی ہوگئے ۔

پولیس کے مطابق دھماکہ اس وقت ہوا جب فرنٹیئر کور (ایف سی) کی گاڑی دکی کول فیلڈ سے کوئلہ  لے کر پنجاب جانے والے ٹرکوں کی سیکیورٹی پر مامور تھی۔

 واقعے کی اطلاع ملتے ہی پولیس  اور ایف سی اہلکار جائے وقوعہ پر پہنچ  گئے،حملے کے نتیجے میں  زخمی  ہونے والوں کو دکی اسپتال منتقل کر دیا گیا۔

دھماکے کے بعد بم ڈسپوزل اسکواڈ نے جائے وقوعہ سے شواہد اکٹھے کیے،  پولیس کا کہنا ہے کہ دھماکہ بظاہر آئی ڈی  بلاسٹ سے ہوا ہے۔

 واضح رہے کہ دکی میں گزشتہ چند ماہ کے دوران کان کنوں کو نشانہ بنانے والے متعدد پرتشدد حملوں کے بعد سیکیورٹی بڑھا دی گئی ہے۔ اس سے قبل 11 اکتوبر کو دکی میں کوئلے کی کان میں ہونے والے دھماکے کے نتیجے میں 20 افراد جاں بحق اور سات کے قریب افراد زخمی ہوئے تھے