وفاقی وزیر منصوبہ بندی احسن اقبال کی زیرصدارت ایک اعلیٰ سطح کا اجلاس

اسلام آباد میں وفاقی وزیر منصوبہ بندی احسن اقبال کی زیرصدارت ایک اعلیٰ سطح کا اجلاس منعقد کیا گیا۔
اجلاس میں آئندہ ماہ باکو میں منعقد ہونے والی کاپ 2024 کی تیاریوں کا جائزہ لیا گیا۔

اجلاس میں وفاقی وزیر احسن اقبال کا کہنا تھا کہ پاکستان ماحولیاتی بحران کا سب سے بڑا شکار ہے، تباہ کن سیلابوں کے باوجود قوم نے بے مثال استقامت دکھائی۔

انہوں نے کہا کہ ان چیلنجز کی وسعت ہماری صلاحیتوں سے تجاوز کرتی ہے، ماحولیاتی بحران سے نمٹنے کیلئے فوری عالمی تعاون درکارہے۔

2010وفاقی وزیر منصوبہ بندی احسن اقبال نے مزید کہا کہ 2010 کے سیلاب نے بڑی تعداد میں جانی نقصانات کیے، لیکن 2022 کے سیلاب کے دوران تیاریوں نے نقصانات کو کم کرنے میں مدد کی۔