قومی کرکٹ ٹیم کل خصوصی پرواز کے زریعے انگلینڈ روانہ ہو گی

رپورٹ : انس سعید

تفصیلات کے مطابق قومی اسکواڈ کے کل گیارہ اراکین جن میں تین کرکٹرز اور آٹھ مینجمنٹ افراد شامل ہیں کل لاہور سے روانہ ہوں گے قومی کرکٹر حارث سہیل، عبداللہ شفیق اور سعود شکیل انگلینڈ روانہ ہوں گے ہیڈ کوچ مصباح الحق باؤلنگ کوچ وقار یونس فیڈلنگ کوچ عبدالمجید ،میڈیا مینجر ابراہیم بادیس سمیت پاکستان میں موجود اسپورٹ اسٹاف کے دیگر ارکان بھی خصوصی طیارے پر سفر کریں گے پی ایس ایل میں شریک قومی اسکواڈ کے ارکان ابوظہبی سے خصوصی طیارے پر سوار ہوں گے ۔

قومی اسکواڈ ابوظہبی سے برمنگھم پہنچے گا جہاں سے ڈربی جائے گا اور وہاں تین روز کی روم آئسولیشن کرے گا قومی کرکٹ ٹیم 28 جون سے ڈربی میں پریکٹس سیشنز کا آغاز کردے گی اس دوران قومی اسکواڈ ڈربی میں پچاس اوورز پر مشتمل دو انٹرا اسکواڈ پریکٹس میچز بھی کھیلے گا پہلا انٹرا اسکواڈ پریکٹس میچ یکم جولائی اور دوسرا 3 جولائی کو کھیلا جائے گا قومی کرکٹ ٹیم 6 جولائی کو کارڈف روانہ ہوگا۔

 پاکستان اور انگلینڈ کے مابین تین ایک روزہ اور تین ٹی ٹونٹی میچز کھیلے جائیں گے  پہلا ون ڈے میچ 8 جولائی ،دوسرا 10 اور تیسرا 13 جولائی کو کھیلا جائے گا جبکہ ٹی ٹونٹی میچز 16 ،18 اور 20 جولائی کو کھیلے جائیں گے ۔ دورہ انگلینڈ مکمل کرنے کے بعد قومی ٹیم انگلینڈ سے ویسٹ انڈیز روانہ ہوگی جہاں پانچ ٹی ٹونٹی اور دو ٹیسٹ میچوں کی سیریز شیڈول ہے۔