ملتان پی ایس ایل 6 کا سلطان بن گیا

تفصیلات کے مطابق پی ایس ایل 6 کا  فائنل میچ  پشاور زلمی اور ملتان سلطانز کے درمیان ہوا میچ پاکستانی وقت کے مطابق رات نو بجے شیخ زید انٹر نیشنل سٹیڈیم ابوظہبی میں شروع ہوا ۔

پشاور زلمی نے ٹاس جیت کر پہلے فیلڈنگ کا فیصلہ کیا پشاور زلمی کی ٹیم فاسٹ بولر وہاب ریاض کی قیادت میں گراؤنڈ میں اتری ملتان سلطانز محمد رضوان کی کپتانی میں گراؤنڈ میں آئی ۔

ملتان سلطانز نے پہلے کھیلتے ہوئے 206سکور کیے صہیب مقصود نے 35بالوں پر 65 رنز کی شاندار اننگز کھیلی جبکہ ریلے روسو نے 21 گیندوں پر پچاس رنز کیے، شان مسعود 37رنز کے ساتھ تیسرے نمبر پر رہے ملتان سلطانز کے کپتان محمد رضوان 30رنز کا اپنی ٹیم کے سکور میں اضافہ کر سکے ۔

پشاور زلمی کی جانب سے سمین گل نے عمدہ بولنگ کا مظاہرہ کرتے ہوئے چار اورز میں 26رنز کے عوض دو وکٹیں حاصل کیں  محمد عرفان نے چار اورز میں 27رنز دئیے لیکن کوئی وکٹ حاصل نا کر سکے، پشاور زلمی کے کپتان وہاب ریاض مہنگے ترین بولر ثابت ہوئے جن کو چار اورز میں 52رنز پڑے لیکن وہ اس کے باوجود کوئی وکٹ بھی حاصل نا کر سکے ۔

حدف کا تعاقب کرتے ہوئے پشاور زلمی کی ٹیم مقرر اورز میں نو وکٹ  پر 159 رنز بنا سکی۔پشاور زلمی کی جانب سے شعیب ملک نے 48 رنز کی  اننگز کھیلی کامران اکمل نے اننگز کا آغاز کرتے ہوئے 36رنز کا اپنی ٹیم کے سکور میں اضافہ کیا  پشاور زلمی کے کپتان وہاب ریاض کھاتے کھولے بغیر ہی پولین لوٹ گے۔

ملتان سلطانز کی جانب سے شاندار بولنگ کا مظاہرہ کرتے ہوئے عمران طاہر نے چار اورز میں 33 رنز کے عوض تین وکٹیں حاصل کیں،عمران خان نے چار اورز میں 27رنز کے عوض 2وکٹیں حاصل کیں ، سہیل تنویر نے چار اورز میں 35رنز کے عوض ایک وکٹ حاصل کی