امریکہ : میامی میں 12منزلہ رہائشی عمارت گر گئی ، درجنوں افراد لاپتہ

برطانوی خبر رساں ادارے کے مطابق امریکی ریاست فلوریڈا میں حکام کا کہنا ہے کہ میامی شہر کے شمال میں 12 منزلہ اپارٹمنٹ عمارت گرنے کے بعد کم از کم ایک شخص ہلاک اور درجنوں لاپتہ ہیں۔   حکام کے مطابق لاپتہ لوگوں کی تعداد ایک اندازے کے مطابق 99 ہونے کی ہے۔ یہ واضح نہیں ہے کہ اس وقت عمارت میں کتنے افراد موجود تھے۔میڈیا سے بات  کرتے ہوئے ایک پولیس اہلکار کا کہنا تھا کہ  " عمارت کو کافی نقصان  پہنچا  ہے۔ دو منزلوں کے بیچ کا فاصلہ کو دس فٹ ہوتا تھا  جو کہ اب محض ایک فٹ رہ گیا ہے۔ مجھے خدشہ ہے کہ اس میں کسی کے زندہ نکلنے کے امکانات بہت کم ہیں۔ 

JUST IN: 7News has obtained surveillance video of the moment the Champlain Towers South Condo collapsed in Surfside early this morning.

According to a fire official, 35 people were pulled from the collapsed building. Search and rescue efforts ongoing. https://t.co/Ac7KgnJOSO pic.twitter.com/oeczbumRG9

— WSVN 7 News (@wsvn) June 24, 2021

سرف سائڈ میں واقع یہ عمارت 1980 میں تعمیر کی گئی تھی اور 130 ہاؤسنگ یونٹوں میں سے نصف حصے اس کے منہدم ہونے سے متاثر ہوئے ہیں۔حکام کا کہنا ہے کہ لاطینی امریکہ سے آنے والے تارکین وطن اس واقعے میں لاپتہ ہیں۔

حکام  کے مطابق  امدادی عملہ اب تک   35 افراد کو ملبے کے نیچے سے نکال چکا ہے  ، جن میں سے 10 کو طبی امداد دی گئی اور 2کو ہسپتال بھیج دیا گیا۔ جمعرات کی سہ پہر فلوریڈا کے گورنر رون ڈی سینٹس نے جائے حادثہ کا دورہ کیا۔

امریکی صدر جو بائیڈن نے کہا ہے کہ وہ مسٹر ڈی سنٹیس کے  ہنگامی اعلان کرنے کے منتظر ہیں اور فیڈرل ایمرجنسی مینجمنٹ ایجنسی (فیما) کے اہلکار پہلے ہی جائے وقوع پر موجود تھے۔ امریکی صدر جو بائیڈن کا کہنا تھا ’میں فلوریڈا کے شہریوں سے کہتا ہوں، آپ جو بھی مدد چاہتے ہیں ، وفاقی حکومت جو بھی کر سکتی ہے ، ہم آپ کی خدمت میں حاضر ہیں ، ہم آپ کے ساتھ رہیں گے۔

دوسری جانب امدادی کارکنوں کی جانب سے  رہائشیوں کو عمارت سے نکالنے کیلئے  کرین کا استعمال  کیاجارہا ہے ۔