کوئٹہ دھماکہ: پاکستان ریلوے کا جعفر ایکسپریس اور بولان میل کو بند کرنے کا فیصلہ

کوئٹہ ریلوے اسٹیشن پر ہونے والے خود کش حملے کی وجہ سے بولان میل اور جعفر ایکسپریس کو 4 روز کے لیے بند  کیا جا رہا ہے، ریلوے حکام

 پاکستان ریلوے نے کوئٹہ سے پشاور کے لیے چلنے والی جعفر ایکسپریس اور کراچی کے لیے چلنے والی بولان میل کو 4 روز کے لیے بند کرنے فیصلہ کیا ہے۔

جعفر ایکسپریس اور بولان میل کو 11 نومبر سے 4 روز کے لیے بند کیا جا رہا ہے،ریلوے حکام کا کہنا ہے کہ ٹرینوں کی بندش کا فیصلہ بلوچستان میں امن وامان کی صورتحال کے پیش نظر کیا گیا۔

واضح رہے گزشتہ روز کوئٹہ میں ریلوے اسٹیشن پر خودکش دھماکے میں 26 افراد جاں بحق اور 62  زخمی ہو گئے تھے ،جعفر ایکسپریس نے 9 بجے پشاور کے لیے روانہ ہونا تھا، ٹرین کے پلیٹ فارم پر لگنے سے پہلے دھماکا ہوا تھا۔

دھماکے کا مقدمہ تھانہ سی ٹی ڈی میں نامعلوم افراد کے خلاف کر لیا گیا ہے، مقدمے میں دہشت گردی کی دفعات شامل ہیں۔