اسرائیل کوجنگی جرائم پرجواب دہ ٹھہرایا جائے،اسحاق ڈار

 نائب وزیر اعظم و وزیر خارجہ اسحاق ڈار نے دنیا سے مطالبہ کیا ہے کہ اسرائیل کو غزہ میں اس کے جنگی جرائم پر جوابدہ ٹھہرایا جائے۔

وزیر خارجہ اسحاق ڈار نے سعودی عرب کے شہر ریاض میں دوسرے عرب اسلام سربراہ اجلاس سے خطاب کرتے ہوئے کہا کہ مشرق وسطیٰ کے حالات ابتر ہوچکے ہیں، اسرائیل عالمی قوانین کی کھلم کھلا خلاف ورزیاں کر رہا ہے، اسرائیلی افواج غزہ میں جنگی جرائم کا ارتکاب کررہی ہیں۔

اسحاق ڈار نے اس موقع پر  کہا کہ اسرائیل ہزاروں بے گناہ فلسطینیوں کو شہید کرچکا ہے، فلسطین کازکے لیےعرب لیگ اور او آئی سی کی کاوشیں قابل تعریف ہیں، فلسطینیوں کے حقوق کے لیے سب کو کردار ادا کرنا ہو گا، غزہ میں فوری جنگ بندی کو یقینی بنانا ہوگا۔

نائب وزیراعظم کا مزید کہنا تھا کہ اسرائیل کوجنگی جرائم پرجواب دہ ٹھہرایا جائے، پاکستان نےہمیشہ فلسطین کازکی حمایت کی ہے، غزہ میں اسرائیلی بربریت کی مذمت کرتے ہیں، فلسطینی بھائیوں کی حمایت جاری رکھیں گے، پاکستان نے فلسطینی بھائیوں کے لیے امدادی سامان پرمشتمل12کھیپ بھیجیں۔