ذمہ دارانہ ڈیجیٹل رویہ ایک ترقی پذیر معاشرے کے لیے بہت ضروری ہے، ڈاکٹر لبنیٰ ظہیر

فلم اینڈ براڈکاسٹنگ ڈیپارٹمنٹ یونیورسٹی آف دی پنجاب کی چیئرپرسن پروفیسر ڈاکٹر لبنیٰ ظہیر نے کہا کہ ذمہ دارانہ ڈیجیٹل رویہ ایک ترقی پذیر معاشرے کے لیے بہت ضروری ہے اور نوجوانوں کوئی بھی معلومات شیئر کرنے سے پہلے اس کی تصدیق کریں۔

الخدمت فاؤنڈیشن کے زیر اہتمام یوتھ کانفرنس میں خطاب کرتے ہوئے کہا کہ  مضبوط اخلاقی قدریں اور ٹیکنالوجی کا ذمہ دارانہ استعمال ہمیں اخلاقی، باخبر اور متحد معاشرے کی طرف لے جا سکتا ہے۔

ڈاکٹر لبنیٰ نے کہا کہ نوجوانوں کو بااختیار بنانے اور اچھے اخلاقی قدروں کی اہمیت پر زور دیا اور نوجوانوں خصوصاً نئی نسل ، جو ڈیجیٹل میڈیا کے استعمال میں پیش پیش ہیں، کو ذمہ دارانہ آن لائن رویہ اختیار کرنے کی ترغیب دی۔

ڈاکٹر لبنا ظہیر نے ڈیجیٹل دور کے اخلاقی چیلنجز کو اجاگر کرتے ہوئے کہا کہ نامناسب زبان استعمال کرنا اور ذاتی حملے کرنا اکثر آزادیِ اظہار کے طور پر سمجھا جاتا ہے، جبکہ جھوٹی خبروں کو پھیلانا سیاسی شراکت داری کا نام دے دیا گیا ہے۔

کانفرنس میں ڈاکٹر سمیعہ راحیل قاضی، گلوبل ایمبیسیڈر الخدمت فاؤنڈیشن؛ ڈاکٹر فلیحہ کاظمی، وائس چانسلر یونیورسٹی آف ہوم اکنامکس؛ اور ڈاکٹر حمیرا طارق، سیکرٹری جنرل جماعتِ اسلامی ویمن ونگ شامل تھے۔