عبدالرحمٰن سے شاہ رخ خان ، بالی وڈ کنگ کا بڑا انکشاف

بھارتی میڈیا  رپورٹس کے مطابق بالی وڈ کنگ شاہ رخ خان نے اداکار و میزبان انوپم کھیر کے ایک شو کے دوران یہ انکشاف کیا کہ  بچپن میں انکی نانی نے ان کانام عبدالرحمن رکھا تھا    ۔پروگرام میں اداکار سے جب  سوال کیا گیا کہ کیا آپ عبدالرحمان نامی کسی انسان کو جانتے ہیں؟ اس پر شاہ رخ خان نے جواب دیتے ہوئے بتایا کہ میں اس نام کے کسی شخص کو نہیں جانتا لیکن میری نانی نے بچپن میں میرا نام عبدالرحمان رکھا تھا۔ جس کے بعد ان کے کزنز انہیں چھیڑا  کرتے  تھے۔

دوران انٹرویو شاہ رخ خان کا کہنا تھا کہ  میرا یہ نام کہیں رجسٹرڈ نہیں ہوا تھا لیکن نانی چاہتی تھیں میرا نام یہ ہی رہے جو مجھے کافی عجیب سا  لگا تھا، آپ سوچیں  بازی گر کے نام کے ساتھ یہ کچھ جچتا نہیں ہے ۔بالی وڈ سپر اسٹار نے مزید کہا  کہ  ان کے والد میر تاج محمد خان  نے ان کا نام شاہ رخ  رکھا  اور ان کی بہن کا "لالہ رخ " ۔ انہوں نے کہاکہ شاہ رخ جس کا مطلب ہے "شہزادے کا چہرہ "    اور یہی  ان کی پہچان بنا ۔