بھارتی کرکٹ شائقین کوایک اور بڑا جھٹکا، ٹی 20 ورلڈ کپ یو اے ای منتقل

جی این این کے مطابق آئی سی سی ٹی ٹونٹی ورلڈ کپ 17 اکتوبر سے شروع ہو گا  اور فائنل 14 نومبر کو  کھیلا جائے گا۔ بھارتی بورڈ نے ورلڈ کپ متحدہ عرب امارات منتقل کرنے کے لئے باضابطہ طور پر لکھنا ہے۔آئی سی سی ٹی ٹونٹی ورلڈ کپ کا میزبان بھارت ہے۔

 یہ بھی پڑھیں : گرمیوں کی چھٹیاں ہونگی یا نہیں ، اہم فیصلہ آگیا

کرکٹ کی معروف  ویب سائٹ  کی رپورٹ کے مطابق  ٹیموں کو دو گروپوں میں تقسیم کیا گیا ہے۔ پہلے مرحلے کے میچز متحدہ عرب امارات اور اومان میں کھیلے جائیں گے۔ اس مرحلے کے دوران بارہ میچز کھیلے جائیں گے، جس میں آٹھ ٹیمیں حصہ لیں گی ،ان آٹھ ٹیموں  میں بنگلا دیش، سری لنکا، آئر لینڈ، ہالینڈ، سکاٹ لینڈ، نیمبیا ، اومان اور پاپوا نیو گنی شامل ہیں  اور  ان میں سے چار ٹیمیں کوالیفائی کریں گی۔

 یہ بھی پڑھیں : گرمی کی چھٹی ، محکمہ موسمیات نے بارشوں کی پیشگوئی کر دی

چار ٹیموں کے کوالیفائی کرنے کے بعد اگلے مرحلے میں 12 ٹیمیں 30 میچز کھیلیں گی، یہ میچز متحدہ عرب امارات، دبئی، ابو ظہبی اور شارجہ میں ہوں گے، اس کے بعد تین پلے آف گیمز ہوں گے جبکہ دو سیمی فائنل کھیلے جائیں گے، جس کے بعد فائنل میچ ہو گا۔

 یہ بھی پڑھیں : سعودی عرب پہنچنے والوں کے لیے نئے ضوابط لاگو

خیال رہے کہ   یکم جون کو آئی سی سی نے بھارتی بورڈ کو جون کے آخر تک وینیوکے بارے میں بتانے کا کہا تھا ۔ کورونا وائرس کے وباء کے باعث انڈیا میں ورلڈ کپ انعقاد ممکن نہیں ہے۔

یہ بھی پڑھیں : پاکستان میں کورونا کی چوتھی لہر جولائی میں آسکتی ہے ، اسد عمر

بھارت میں گزشتہ چند ماہ کے دوران کورونا وائرس کے کیسز نے ہر طرف خوف کا عالم چھایا ہوا تھا جس کے باعث بھارت میں ہونے والی آئی پی ایل کو ملتوی کر دیا گیا  تھا۔