عازمین حج کے لیے  خوشخبری :حج درخواستوں کی  وصولی میں 10 دسمبر تک توسیع

وزارت مذہبی امورکی جانب سے حج درخواستوں کی وصولی میں 10 دسمبر تک توسیع کر دی گئی ہے۔

دوسری جانب وزارت مذہبی امور نے 3 دسمبر تک موصول ہونے والی تمام حج درخواستوں کو کامیاب قراردے دیا  گیا ہے،اس کے علاوہ اسپانسرشپ حج  اسکیم میں موصول ہونے والی تمام درخواستوں کو  بھی کامیاب قراردے دیا گیا ہے۔

وفاقی وزیر برائے مذہبیی امور چوہدری سالک حسین کا کہنا ہے کہ کوٹہ سے زائد درخواستیں موصول ہونے کی صورت میں قرعہ اندازی کی جائے گی،جبکہ اوور سیز  پاکستانی 10 دسمبر تک سپانسر شپ کی رقم لازمی جمع کروا دیں، اسپانسر شپ اسکیم میں موصول درخواست گزاروں کو بلا قرعہ اندازی کامیاب قرار دیا جائے گا۔

ان کا مزید کہنا تھا کہ عازمین حج نئی ہدایات کے لیے پاک حج موبائل ایپ ضرور ڈاؤن لوڈ کرلیں۔