بلاول بھٹو کی قومی کرکٹر شاہنواز دھانی کو بہترین کارکردگی پر مبارکباد

بلاول بھٹو زرداری کا کہنا ہے کہ  شاہنواز دھانی نے بہترین کارکردگی کے ذریعے تمام پاکستانیوں کی دلوں کو شاد کیا، لاڑکانہ کے باسیوں کے سر بلند کردیئے،ملک کے دیگر صوبوں کی طرح سندھ کے نوجوان بھی بڑے حوصلے اور صلاحیتوں کے مالک ہیں، بس انہیں مواقع دینے کی ضرورت ہے۔

چیئرمین پی پی بلاول بھٹو زرداری نے کہا کہ کھیل صحتمند معاشرے کے لیئے ناگذیر ہے، کھلاڑیوں کی ستائش اور انہیں سہولیات دینے کی ضرورت ہے،دعاگو ہوں، اللہ تعالیٰ شاہنواز ڈاہانی سمیت تمام پاکستانی کھلاڑیوں کو ہمیشہ کامیابیاں و کامرانیاں عطا فرمائے۔

پی ایس ایل 6 کے ہیرو شاہنواز دھانی کا آبائی شہر میں شاندار استقبال،شائقین کرکٹ اور اہلخانہ نے شاندار استقبال کیا اور پھول نچھاور کیے۔شاہنواز دھانی قافلے کی صورت میں رات دیر سے گھر پہنچے۔

شاہنواز دھانی   نے اس موقع پر گفتگو کرتے ہوئے کہا کہ  ماں پاب کی دعائیں تھی۔پاکستان، پوری سندھ اور چاہنے والوں کی دعائیں تھی۔پی ایس ایل 6 کے ایک میچ میں صرف پانچ رنز دیکر چار وکٹیں لینے پر ٹیم کو بھی جتوایا۔

شاہنواز دھانی  کا کہنا تھا کہ پی ایس ایل 6 میں پہلا سال تھا سب سے بیسٹ باؤلر ثابت ہوا اور اپنی ٹیم ملتان سلطان کو جتواکر آیا ہوں۔پی ایس ایل 6 میں سب سے زیادہ وکٹیں لینے کا اعزاز  ملتان سلطان کی کامیابی ہے۔اپنی جیت کا سہرا پوری سندھ کے نام کرنا چاہتا ہوں جنہوں نے مجھے سپورٹ کیا۔ ابھی سیکھنے کے مرحلے میں ہوں انشاللہ مزید محنت کرکے قومی ٹیم جگہ بناکر بہتر کھیل پیش کروں گا۔