غزہ: اسرائیلی فوج کی جاری جارحیت سے مزید 51 فلسطینی شہید

اسرائیلی فوج  کی جانب سے  غزہ میں بمباری جاری ہے، اسرائیلی  حملوں سے مزید 51  فلسطینی شہید ہو گئے۔

غیر ملکی میڈیا  کے مطابق اسرائیل نے  شمالی غزہ میں کمال عدوان اسپتال کو ڈرون سے نشانہ بنایا گیا جس کے نتیجے میں  اسپتال میں مریض اورڈاکٹر خون میں نہا گئے اس حملے میں کم ازکم 29 فلسطینی شہید ہوئے۔

اسپتال انتظامیہ  کے ڈائریکٹر حسام ابو صفیہ نے کہا کہ اسپتال کے شمالی اور مغربی اطراف سے  فضائی حملے کیے گئے جس میں شدید اور براہ راست فائرنگ  بھی ہوئی  انہوں نے مزید کہا کہ اسرائیلی حملوں کے نتیجے میں عملے کے بھی 4 افراد شہید ہوئے ہیں۔

 دوسری جانب نصیرات کیمپ پراسرائیلی حملے میں شہدا کی تعداد 20 ہوگئی جبکہ نصیرات کیمپ میں شہید افراد میں 6 بچے،5 خواتین شامل ہیں۔

 غزہ کی وزارت صحت کے مطابق غزہ میں اسرائیلی جارحیت  سے شہید فلسطینیوں کی تعداد 44 ہزار612 ہوگئی، جبکہ ایک لاکھ بیس ہزار سے زائد لوگ زخمی ہے۔