پاکستان سمیت دنیا بھر میں سول ایوی ایشن کا دن آج منایا جا  رہا ہے

پاکستان سمیت دنیا بھر ہوا بازی(سول ایوی ایشن ) کا عالمی دن آج منایا جارہا ہے۔

انٹرنیشنل سول ایوی ایشن آرگنائزیشن کا قیام 1944 میں عمل میں آیا اور اس نے اپنے قیام کے 52 سال بعد 1996 میں اقوام متحدہ کی جنرل اسمبلی کی منظوری سے بین الاقوامی ہوا بازی کا دن منانا شروع کیا۔

اس دن کو منانے کا مقصد مسافروں کو محفوظ ترین سفری سہولیات فراہم کرنا، ہوا بازی کے اہم شعبے کو جدید خطوط پر استوار کرنا،انٹرنیشنل سول ایوی ایشن کی اہمیت کے متعلق شعور بیدار کرنا اور بین الاقوامی فضائی ٹرانسپورٹ کیلئے انٹرنیشنل سول ایوی ایشن آرگنائزیشن کے کردار کو اجاگر کرنا ہے۔ 

  سول ایوی ایشن" رن وے پرجہاز کے ٹیک آف سے لینڈنگ تک کلیدی کردار کا حامل ہے، ہزاروں فٹ کی بلندی پر اڑنے والے جہاز پر ریڈار اور دیگر جدید آلات کی مدد سے نگاہ رکھتا ہے۔