پی ٹی اے نے وی پی این کی رجسڑیشن کے لیے نئی سہولت متعارف کروا دی

پاکستان ٹیلی کمیونی کیشن اتھارٹی (پی ٹی اے) نے  صارفین کو موبائل نمبر کے ذریعے وی پی این رجسٹریشن کی سہولت دے دی، جس کے بعد اسٹیٹک آئی پی ایڈریس نہ رکھنے والے فری لانسرز اس سہولت کو استعمال کرتے ہوئے موبائل نمبر کے ذریعے وی پی این رجسٹریشن  کرواسکیں گے۔

پی ٹی اے حکام کے مطابق یہ سہولت آئی ٹی کے شعبے کی ترویج کے لیے وی پی این رجسٹریشن کے عمل کو آسان بنانے کے لیے کیا گیا ہے۔

 پی ٹی اے حکام کے مطابق صارفین  اپنے موبائل ڈیٹا کنکشن پر وی پی این  استعمال کرنے کے لیے پی ٹی اے کے ساتھ اپنا موبائل نمبر رجسٹر کروا سکتے ہیں۔

  رجسٹریشن کے لیے  لنک: https://ipregistration.pta.gov.pk  کو استعمال کیا جائے گا۔

اب تک پی ٹی اے کے ذریعے 31 ہزار سے زائد وی پی اینز رجسٹر کیے جا چکے ہیں۔