پاکستان کی غزہ میں جنگ بندی کے لیے جی سی سی کے مطالبے کی حمایت

اسلام آباد:پاکستان خلیج تعاون کونسل  (جی سی سی) کے غزہ میں فوری جنگ بندی کے مطالبے کی بھرپور حمایت کرتا ہے، جو معصوم شہریوں کے تحفظ اور ضروری انسانی امداد کی فراہمی کے عزم سے ہم آہنگ ہے۔

 جی سی سی کے مطالبے کے ساتھ ساتھ، پاکستان فلسطینی کاز کے لیے اپنی غیر متزلزل حمایت کا اعادہ کرتا ہے۔

پاکستان غزہ میں فوری جنگ بندی کے ساتھ 1967 سے پہلے کی سرحدوں اور القدس الشریف کو دارالحکومت کے طور پر تسلیم کرتے ہوئے آزاد فلسطینی ریاست کے قیام پر زور دیتا ہے۔

 غزہ میں ہونے والے اسرائیلی جنگی جرائم کی مذمت میں جی سی سی کا مؤقف پاکستان کے بین الاقوامی قوانین کی پاسداری اور فلسطینیوں کے حقوق کے تحفظ کے دیرینہ مؤقف کی عکاسی کرتا ہے۔

 غزہ اور لبنان میں امن کے فروغ کے لیے پاکستان خلیج تعاون کونسل کا فعال کردار خطے میں استحکام کے لیے ایک اہم قدم ہے، جس کی پاکستان مکمل حمایت کرتا ہے۔

 غزہ میں انسانی بحران کو اجاگر کرکے، پاکستان خلیج تعاون کونسل (جی سی سی )نے ایک اخلاقی مثال قائم کی ہے جس پر بین الاقوامی برادری کو عمل کرنا چاہیے تاکہ مزید کشیدگی کو روکا جا سکے۔

 پاکستان غزہ میں خواتین اور بچوں کے تحفظ پر جی سی سی کے کردار  کو سراہتا ہے، جو فوری بین الاقوامی اجتماعی اقدامات کی اہمیت کو اجاگر کرتا ہے۔پاکستان مشرق وسطیٰ میں پائیدار امن کے لیے، بشمول فلسطین کی اقوام متحدہ کی مکمل رکنیت کے، عالمی کوششوں کو مزید تیز کرنے کی اپیل میں شمولیت اختیار کرتا ہے۔