سوشل میڈیا پر شر انگیزی پھیلانے والے 7 افراد کے خلاف  مقدمات درج،مجموعی تعداد 39 ہو گئی

سوشل میڈیا پر ریاست  اور ریاستی اداروں کے خلاف منفی پروپیگنڈے میں ملوث مزید 7  افراد  کے خلاف مقدمات درج  کر لیے گئے ہیں ،ملوث افراد کی مجموعی تعدد 39 ہو گئی ۔

سوشل میڈیا پر شرانگیزی پھیلانے والوں کیخلاف قانونی کارروائیاں تیز کر دی گئیں، حکومت نے ریاست اور ریاستی اداروں کیخلاف منفی پروپیگنڈے میں ملوث مزید 7 افراد کیخلاف مقدمات درج کر لئے۔

جعلی خبریں سوشل میڈیا پر پھیلانے والے ملزمان میں محمد اسامہ عمر فاروق، غلام اکبر، محمد ابوبکر، علی شان، محمد شوکت، میاں محمد عمران اور محمد بلال شامل ہیں۔ تمام ملزمان کا تعلق ضلع مظفر گڑھ سے ہے۔

واضح رہے کہ اس سے پہلے بھی 32 ملزمان کے خلاف مقدمات درج کئے جا چکے ہیں، ملزمان کیخلاف سخت قانونی کارروائی عمل میں لائی جا رہی ہے۔