سری لنکا میں بن بلائےمہمان نے دوڑیں لگوادیں

عام طور پر گھر میں مہمان کو باعث رحمت   سمجھا جاتا ہے لیکن سری لنکا کے ایک گھر میں آیا مہمان سب کیلئے زحمت بن گیا ۔ ہو اکچھ یوں کہ سری لنکا میں لڑکی نےصبح سویرےگھرکا  دروازہ کھولا تو اس  کے   سامنے ایک  9فٹ لمبا مگرمچھ   موجود تھا ، جسے دیکھ کر لڑکی اپنے حواسوں پر قابو نہ پاسکی اور چیخیں مارتے ہوئے تمام گھر والوں کو اکٹھا  کرلیا ۔  گھر کے سربراہ نے فورا ًپولیس کو اطلاع دی ،جس کے بعد  وائلڈ لائف کے اہلکار فوری طور پر جائے وقوعہ  پر پہنچ گئے ۔ کافی جدوجہدکےبعد مگرمچھ آخر کار پکڑا گیا اور  اسے قریبی مننیریا نیشنل پارک میں چھوڑ دیا گیا۔

سری لنکامیں بارشوں اور سیلاب کے موسم میں اکثر مگرمچھ اور دوسرے  رینگنے والے جانوروں کے پانی سے شہری آبادی کا رخ کرنے کے واقعات رپورٹ ہوتے رہتے ہیں   ۔  خیال رہے  کہ سری  لنکا میں تقریبا  دو سے ساڑھے تین ہزار تک  نمکین پانی  میں  مگرمچھ رہتے ہیں  جن میں سے نصف سے زائد کو قومی پارکس میں رکھا گیا ہے ۔