کرغزستان کے صدر نے وزیراعظم عقیل بیگ کو عہدے سے  برطرف کر دیا۔ 

 کرغزستان کی صدارتی انتظامیہ کی جانب سے جاری بیان میں بتایا گیا ہے کہ صدر جاپاروف نے وزیراعظم عقیل بیگ  جعفروف کو برطرف کر دیا ہے۔ 

تفصیلات  کے مطابق وزیراعظم عقیل بیگ جعفروف کو دوسرے عہدے پر تعیناتی کے باعث ہٹایاگیا ہے۔ 

صدارتی انتظامیہ کی جانب سےبتایا گیا  ہے کہ  صدر نے وزارت عظمیٰ کے فرائض اول نائب وزیراعظم عادل بیگ قاسم کو سونپ دیے ہیں۔ 

واضح رہے کہ عقیل بیگ  جعفروف سال 2021 سے کرغزستان کے وزیراعظم تھے۔

سینیٹ  اور قومی اسمبلی  کے اجلاس آج ہوں گے، جس کے ایجنڈے بھی جاری کردیے گئے ہیں۔

سینیٹ کا اجلاس آج شام 4 بجے ہوگا جس کا 32 نکاتی ایجنڈا جاری کیا گیا ہے، ایجنڈے کے مطابق اجلاس میں سینیٹرز کی جانب سے مختلف بلز متعارف کرائے جائیں گے جبکہ قومی اسمبلی سے منظور پاکستان سائیکالوجیکل کونسل بل2024 پیش ہوگا۔

اجلاس میں ذیشان خانزادہ زرعی ٹیکس نفاذ کے متعلق بحث کیلئے تحریک پیش کریں گے اور کامران مرتضیٰ منشیات کے عادی افراد کی تعداد میں اضافے پر تحریک پیش کریں گے۔

اس کے علاوہ پیپلزپارٹی کے سینیٹر شہادت اعوان ایوان میں بل پیش کریں گے، مختلف بلز پر قائمہ کمیٹیز کی رپورٹس ایوان میں پیش کی جائیں گی۔

قومی اسمبلی اجلاس

دوسری جانب قومی اسمبلی کا اجلاس شام 5 بجے پارلیمنٹ ہاؤس میں ہوگا جس کا 10 نکاتی ایجنڈا جاری کردیا گیا ہے، ایجنڈے میں لازمی، ثانوی روٹس پر نجی ایئرلائنز پروازیں شروع نہ کرنے پر توجہ دلاؤ نوٹس شامل ہے جبکہ وقفہ سوالات کے دوران ارکان کے مختلف سوالات کےجوابات دیئےجائیں گے۔

وزیر قانون دونوں ایوانوں سے صدر کے خطاب پر بحث کی تحریک پیش کریں گے جبکہ اس دوران ارکان نکتہ اعتراضات پر اہم نوعیت کے امور پر بھی بات کریں گے۔

اجلاس میں وزیرداخلہ سینیٹ سے منظور نیشنل فارنزک ایجنسی بل 2024 پیش کریں گے جبکہ وزیرمملکت آئی ٹی ڈیجیٹل نیشن پاکستان پاکستان بل 2024 ایوان میں پیش کریں گی۔

وزیراعظم نے پولیو کے خلاف عالمی سطح پر تعاون کرنے والے بین الاقوامی شراکت داروں کا شکریہ ادا کرتے ہوئے کہا کہ سعودی عرب، بل گیٹس فاؤنڈیشن اور عالمی ادارہ صحت (WHO) کا تعاون قابل ستائش ہے۔

وزیراعظم نے پولیو کے نئے کیسز کی رپورٹ پر تشویش کا اظہار کرتے ہوئے کہا کہ 60 نئے پولیو کیسز کا سامنا آنا بہت بڑا چیلنج ہے، لیکن ہم پورے پاکستان میں پولیو کے خلاف جنگ جیتیں گے۔ وزیراعظم نے کہا کہ ہم پولیو کو ملکی سرحدوں سے باہر نکال کر دم لیں گے۔

وزیراعظم نے پولیو کے خاتمے کے لیے سعودی ولی عہد کی کاوشوں کو بھی سراہا اور کہا کہ پاکستان سے پولیو کے خاتمے میں سعودی ولی عہد کا کردار قابل قدر ہے۔

انہوں نے پولیو کے خلاف مہم کے آغاز کا اعلان کرتے ہوئے کہا کہ آج سے بچوں کو پولیو سے بچاؤ کے قطرے پلا کر مہم کا آغاز کر دیا ہے۔