بابر اعظم نے روی چندر ایشون کوریٹائرمنٹ  لینے   پر کیا پیغام دیا؟

پاکستان کے مایہ ناز بلے باز بابر اعظم نے بھارتی اسپنر روی چندر ایشیون کو ٹیسٹ کرکٹ سے ریٹائر منٹ لینے  پر اپنے پیغا م میں خراج تحسین پیش کیا۔

سماجی رابطے کی ویب سائٹ انسٹاگرام پر جاری اپنے ایک بیان میں بابر اعظم نے روی چندرایشون کی کامیابیوں پر انہیں سراہا۔ 

بابر اعظم نے اپنے پیغام میں بھارتی اسپنر کے بارے میں لکھا کہ ایک شاندار کیریئر پر مبارکباد، روی چندرن ایشون۔

واضح رہے کہ بھارت کے نامور اسپنر روی چندر ایشون نے آسٹریلیا کے خلاف بارڈر گواسکر ٹرافی سیریز کے تیسرے میچ کے اختتام پر 18 دسمبر کو انٹرنیشنل کرکٹ سے ریٹائرمنٹ کا اعلان کردیا تھا۔

 ایشون نے 106 ٹیسٹ میچز میں بھارت کی نمائندگی کرتے ہوئے 537 وکٹیں حاصل کیں جب کہ 116 ون ڈے انٹرنیشنل میں 156 اور 65 ٹی 20 انٹرنیشنل میں 72 وکٹیں حاصل کیں۔