آرٹیفیشل انٹیلیجنس کے اثرات، گوگل نے ایک دفعہ پھر ہزاروں ملازمیں کو نوکری سے نکال دیا

آرٹیفیشل انٹیلیجنس(اے آئی )کے اثرات  کی وجہ سے گوگل نے ایک بار پھر بڑی تعداد میں اپنے ملازمین کو نوکری سے فارغ کر دیا۔

ٹیکنالوجی کمپنی کی جانب سے اس بار انتظامی عہدوں پر فائز ڈائریکٹر اور نائب صدر سمیت 10 فیصد ملازموں کو نوکری سے فارغ کیا گیا ہے۔

غیر ملکی میڈیا کے مطابق گوگل کےسی ای او سندر پِچائی نے یہ اعلان ایک آل ہینڈ میٹنگ جس میں تمام ملازمین شریک تھے میں کیا، انہوں نے اس بات پر زور دیا کہ کمپنی کو اوپن اے آئی جیسے حریفوں سے مقابلے کا سامنا ہے جس کے لئے بہتر کارکردگی کی ضرورت ہے۔

ملازمین اور ذمہ داران کو نوکریوں سے فارغ کرنے کے بعد کمپنی نے کچھ منیجرز کو انفرادی طور پر دوبارہ معاملات سونپ دیئے۔

واضح رہے کہ اس قبل  گزشتہ برس بھی کمپنی کی جانب سےتشکیل نو کے لیے یہ اقدام لیا گیا تھا جس میں 12 ہزار سے زائد ملازمین کو نوکری سے ہاتھ دھونا پڑا تھا۔

رپورٹ کے مطابق ملازمین کو نوکریوں سے نکالنے کا یہ فیصلہ سندر پچائی کے وسیع لائحہ عمل کا حصہ ہے جس کو 2022 میں متعارف کرایا گیا تھا، جس کا مقصد گوگل کو 20 فی صد مزید بہتر کرنا اور اے آئی پر مشتمل مستقبل کو اپنانا ہے۔