ایران کے صوبے لوریستان میں بس کھائی میں گر گئی، 10 افراد ہلاک

ایران کے شمال مغربی صوبے لوریستان میں ایک بس کھائی میں گرنے سے کم از کم 10 افراد ہلاک ہو گئے۔

غیر ملکی خبر رساں ادارے کے مطابق ایران کے صوبے لوریستان میں بس کو حادثہ خراب روڈ اور تیز رفتاری کے باعث پیش آیا۔

ہلال احمر سوسائٹی کے صوبائی سربراہ محمد غدامی نے ایران کی سرکاری ٹی وی کو بتایا کہ حادثے کے بعد امدادی ٹیمیں علاقے میں روانہ کردی گئی ہیں، اور تمام افراد کو ریسکیو کی جارہا ہے۔

یاد رہے کہ صوبہ لوریستان ملک کے دارالحکومت تہران سے تقریبا 350 کلومیٹر جنوب مغرب میں واقع ہے۔

مقامی میڈیا نے ایرانی عدلیہ کے فرانزک میڈیسن آرگنائزیشن کا حوالہ دیتے ہوئے کہا ہے کہ ایران کا روڈ سیفٹی ریکارڈ خراب ہے اور مارچ 2023 سے مارچ 2024 کے درمیان سڑک حادثات میں 20 ہزار سے زائد ہلاکتیں ریکارڈ کی گئیں۔