تیسرا ون ڈے : جنوبی افریقہ کا پاکستان کے خلاف ٹاس جیت کر فیلڈنگ کا فیصلہ

جوہانسبرگ: پاکستان او ر جنوبی افریقہ کے درمیان سیریز کے آخری میچ میں میزبان ٹیم نے ٹاس جیت کر پاکستان کو پہلے بازی کی دعوت دے دی۔

تین میچوں کی سیریز میں پاکستان کو 2-0 کی فیصلہ کن برتری حاصل ہے۔

آخری ون ڈے میں پاکستان ٹیم نے اسکوڈ میں تین تبدیلیاں کی ہیں۔ جس میں محمد حسنین،طیب طاہر  اور سفیان مقیم کو پلیئنگ الیون کا حصہ بنایا گیا ہے جبکہ عرفان نیازی، حارث رؤف اور  ابرار احمد کو آرام دیا گیا ہے۔ 

اس کے علاوہ قومی ٹیم میں کپتان محمد رضوان، صائم ایوب، عبداللہ شفیق، بابراعظم ، کامران غلام، سلمان علی آغا، شاہین آفریدی اور نسیم شاہ شامل ہوں گے۔

جبکہ دوسری جانب تیسرے میچ سے قبل جنوبی افریقہ کے فاسٹ باؤلر بارٹمین گھٹنے کی انجری کے باعث سکواڈ سے باہر ہو گئے ہیں۔