پاکستان کی نامور مصنفہ بیپسی سدھوا86 برس کی عمر میں انتقال کر گئیں

ہیوسٹن:پاکستان اور جنوبی ایشیا کی نامور مصنفہ بیپسی سدھوا امریکا میں انتقال کر گئیں۔
11 اگست 1938 کولاہور میں پیدا ہونے والی بیپسی سدھوا امریکا کے شہر ہیوسٹن میں مقیم تھیں۔ ان کی عمر 86 سال تھی۔
نیویارک ٹائمز نے بیپسی سدھوا کو پاکستان کی انگریزی زبان کی بہترین ناول نگار قرار دیا تھا، انہوں نے ”کریکنگ انڈیا“، ”دی کرو ایٹرز“، ”این امریکن بریٹ“، ”دی پاکستانی برائیڈ“ اور ”واٹر“ جیسے ناول تخلیق کیے۔
بیپسی سدھوا کو حکومت پاکستان نے ان کی خدمات پر ستارہ امتیاز سے بھی نوازا۔ ان کے ناول Ice Candy Man کو بی بی سی نے نئی دنیا کی تشکیل میں اہم کردار ادا کرنے والے 100 بہترین ناولوں کی فہرست میں شامل کیا۔
پارسی ہونے کے ناطے، بیپسی سدھوا کے اہل خانہ کے مطابق، ان کی آخری رسومات تین دن بعد ہیوسٹن میں ہی ادا کی جائیں گی۔