راولپنڈی:معمولی تلخ کلامی پر شہری کو قتل کرنے والا ملزم گرفتار

راولپنڈی:مورگاہ پولیس نے کارروائی کرتے ہوئے دو روز قبل چاقو کے وار سے شہری کو قتل کرنے والے ملزم کو گرفتار کر لیا۔
ترجمان راولپنڈی پولیس کے مطابق ملزم ذیشان نے معمولی تلخ کلامی پر شہری طاہر کو زخمی کیا جو اسپتال میں دم توڑ گیا۔
ملزم چاقو کے وار کرنے کے بعد فرار ہو گیا تھا جسےپولیس نے ہیومین انٹیلی جنس کی مدد سے ٹریس کر کے گرفتار کیا ۔
اس حوالے سےایس پی پوٹھوہار کا کہنا تھا کہ ملزم کو قرار واقعی سزا دلوانے کے لیے تمام قانونی تقاضے پورے کیے جائیں گے، شہریوں کی جان و مال پر حملہ کرنے والے قانون کی گرفت سے نہیں بچ سکتے۔