ٹک ٹاکر حریم شاہ نے پاکستانی مردوں کے بارے میں کونسا نیا دعویٰ کیا ہے؟

معروف ٹاک ٹاکر اور سوشل میڈیا انفلوئنسر حریم شاہ نے پاکستانی مردوں کے بارے میں ایک انوکھا دعویٰ کر ڈالا ہے، ان کا کہنا تھا کہ پاکستانی مردوں کو بیوقوف بنانا منٹوں کا کام ہے۔
سوشل میڈیا پر حریم شاہ کے ایک پرانے پوڈکاسٹ انٹرویو کا ویڈیو کلپ وائرل ہورہا ہے جس میں حریم نے پاکستانی مردوں کی خامیوں پر بات کی، جس میں حریم شاہ کا کہنا تھا کہ پاکستانی مردوں کو بیوقوف بنانا آسان کام ہے اور وہ بہت آسانی سے بیوقوف بن جاتے ہیں۔
جب پوڈ کاسٹ کے میزبان کی جانب سے جب حریم شاہ سے اس دعوے کی وجہ پوچھی گئی تو  ان کا کہنا تھا کہ پاکستانی مردوں کے بیوقوف بننے کی اہم وجہ ان کی خواہشات ہیں۔
اپنے بیان میں سوشل میڈیا انفلوئنسر حریم شاہ کا مزید کہناتھا کہ پاکستانی مردوں کو ان کی خواہشات کی وجہ سے بیوقوف بنایا جاسکتا ہے اگرچہ  تمام پاکستانی مرد ایسے نہیں ہوتے لیکن اس کے باوجود جو لوگ خواہشوں کے پجاری ہیں وہ خواجہ سرا، بیواؤں، طلاق یافتہ عورتوں، بچوں حتیٰ کہ  شادی شدہ عورتوں کو  بھی نہیں چھوڑتے۔
ٹک ٹاکرنے مزید کہا کہ ایسے مرد عورتوں سے زیادتی، ان پر تشدد کرنے کے ساتھ  بیویوں کے ساتھ ناانصافی کرتے ہیں لیکن اس سب کے باوجود ان کی واہ واہ ہوتی ہے، اگر غلطی عورت کرے تو اسے ذلیل کیا جاتا ہے، ایک غلطی پر عورت پستی کی طرف چلی جاتی ہے۔