محسن نقوی کا قذافی اسٹیڈیم کا تعمیراتی کام 25 جنوری تک مکمل کرنے کی ہدایت

پاکستان کرکٹ بورڈ کے چیئرمین محسن نقوی نے  قذافی اسٹیڈیم کا تعمیراتی کام 25 جنوری تک مکمل کرنے کی ہدایت کردی۔

تفصیلات کے مطابق چیئرمین پی سی بی محسن نقوی نے قذافی سٹیڈیم کا تفصیلی دورہ کرکے اسٹیڈیم کی تعمیر نو پر پیش رفت کا جائزہ لیا اور تعمیراتی کاموں کا تفصیلی معائنہ کیا جب کہ انہوں نے مین بلڈنگ کے تمام فلورز کا وزٹ کیا

واضح رہے کہ اس موقع پر محسن نقوی نے کہا کہ کسی شاندار  تقریب میں اسٹیڈیم کا افتتاح کیا جائے گا۔

چیئرمین پی سی بی کا کہنا تھا کہ صائم ایوب کل علاج کے لیے انگلینڈ جائیں گے، ان کی ٹریٹمنٹ خراب نہیں ہوگی ۔ 

قومی ٹیم کی پرفارمنس پر چیئرمین کا کہنا تھا کہ ٹیم فائٹ کر رہی ہے اور ہار جیت ہوتی رہتی ہے۔