ژوب اور لسبیلہ میں خوفناک ٹریفک حادثات،8 افراد جاں بحق،متعدد زخمی

بلوچستان کے ضلع ژوب اور لسبیلہ میں ٹریفک کے خوفناک حادثے پیش آئے ہیں جس کے نتیجے میں 8 افراد جاں بحق اور کئی زخمی ہو گئے۔

ریسکیو حکام کے مطابق ایک حادثہ ژوب کے قریب بادن زئی کے مقام پر پیش آیا جہاں کار اور ٹریکٹر کے مابین تصادم کے نتیجے میں 6 افراد جاں بحق اور 7 زخمی ہوئے۔
ریسکیو حکام کے مطابق مرنے والوں میں تین خواتین بھی شامل ہیں، جبکہ زخمیوں کوقریبی اسپتال منتقل کر دیا گیا۔
دوسراٹریفک حادثہ لسبیلہ میں زیرو پوائنٹ کے مقام پر پیش آیا جہاں ایک کوچ اور ٹرک کےدرمیان تصادم کے نتیجے میں 2 افراد جاں بحق اور 14 افراد زخمی ہو گئے۔
 ریسکیو ذرائع کے مطابق زخمیوں کو ڈسٹرکٹ ہیڈ کوارٹر اسپتال اوتھل منتقل کر دیا گیا ہے۔