خیبرپختونخوا میں پولیو کا ایک اور کیس سامنے آگیا،ملک میں مجموعی تعداد69 ہو گئی

پشاور: خیبرپختونخوا میں پولیو کا ایک اور کیس سامنے آگیا ہے جس کے بعد ملک میں پولیو کے کیسز کی مجموعی تعداد 69 ہو گئی ہے۔
محکمہ صحت کے مطابق خیبرپختونخوا کے ضلع ٹانک کے علاقے تتہ میں 13 ماہ کی بچی میں پولیو وائرس کی تصدیق ہوئی ہے، حکام کا مزید کہناتھاکہ پولیو سے متاثرہ بچے کے سیمپل گزشتہ ماہ دسمبر میں لیے گئے تھے اور سال 2024 میں ٹانک سے رپورٹ ہونے والا یہ پانچواں پولیو کیس ہے جس کے بعد خیبرپختونخوا میں سال 2024 میں پولیو کیسز کی تعداد 21 ہوگئی،محکمہ صحت کے مطابق کے پی میں رواں سال کی پہلی انسداد پولیو مہم 13 فروری سےچلانےکا فیصلہ کیا گیا ہے جس دوران  60 لاکھ سےزیادہ بچوں کو پولیو سےبچاؤ کے قطرے پلانے کا ہدف مقرر کیا گیا ہے۔ 
محکمہ صحت کے مطابق ملک بھر میں 2024 میں پولیو کے مجموعی کیسز کی تعداد 69 ہو گئی ہے۔
واضح رہے کہ دنیا کے زیادہ تر ممالک میں پولیو وائرس پر قابو پایا جاچکا ہے مگر پاکستان اور افغانستان 2 ایسے ممالک ہیں جہاں اب تک یہ وائرس پایا جاتا ہے۔