وزیراعظم کے خطاب کےبعد اسٹاک ایکسچینج میں شدید مندی کی لہر، انڈیکس 3 سطحیں کھو گیا

کراچی: وزیراعظم شہباز شریف نے کراچی میں پاکستان ایکسچینج میں منعقدہ تقریب سے خطاب کیا،جہاں انہوں نے ملکی معشیت اور اسٹاک مارکیٹ کی تعریف کی، لیکن وزیراعظم کی تقریب کے فوراً بعد اسٹاک مارکیٹ میں مندی کی لہر دیکھنے کو ملی۔
اسٹاک ایکسچینج میں آج ابتدائی تیزی کے بعد کاروبار میں بڑی مندی دیکھی گئی، جس کے نتیجے میں انڈیکس 3 سطحیں کھو گیا۔
 بدھ کے روز 1560 پوائنٹس کے ساتھ کے ایس ای 100 انڈیکس بڑھ کر ایک لاکھ 17 ہزار پوائنٹس کی سطح عبور کرکے 117613 پوائنٹس کی سطح پر پہنچ چکا تھا۔
کاروبار کے اختتام تک پہنچتے پہنچتے پاکستان اسٹاک ایکس چینج میں منفی رجحان برقرار رہا اور 100 انڈیکس 1904 پوائنٹس کمی کے ساتھ ایک لاکھ 14 ہزار 148 پوائنٹس پر بند ہوا۔