آئی سی سی نے نئی ٹیسٹ اور ٹی 20 رینکنگ جاری کر دی، بابراعظم کی ترقی

دبئی: عالمی کرکٹ کونسل (آئی سی سی)نے نئی ٹیسٹ اور ٹی ٹوئنٹی کی رینکنگ جاری کر دی۔
ئی سی سی کی جانب سے جاری کردہ نئی ٹیسٹ رینکنگ میں پاکستان کے مایہ ناز بلےبازبابر اعظم نے پانچ درجےترقی کرتے ہوئے  12ویں پوزیشن حاصل کرلی جبکہ محمد رضوان دو درجے ترقی کے بعد 19ویں نمبر پر پہنچ گئے۔  
قومی ٹیسٹ کپتان شان مسعود نے 12 درجے کی ترقی کرتے ہوئے 45ویں نمبر پر جگہ بنائی جبکہ سعود شکیل کی درجہ بندی میں چھ درجے تنرلی ہوئی جس کے بعدسعود شکیل گیارھویں نمبرپر پہنچ گئے،جبکہ عبداللہ شفیق دو درجے تنزلی کے بعد 53ویں نمبر پر آگئے۔
دوسری جانب پاکستان کے خلاف دوسرے ٹیسٹ میچ میں شاندار بلے بازی کرنے والے جنوبی افریقہ کے چار بلے بازوں کی ٹیسٹ رینکنگ میں بہتری آئی ہے۔
کپتان  ٹیمبا باوما تین درجے ترقی کے بعد چھٹے نمبر پر آ گئے جبکہ ریان رکیلٹن نے 48 درجے کی چھلانگ لگائی اور 55ویں نمبر پر پہنچ گئے اور کائل ویرین نے چار درجے بہتری کے ساتھ 24ویں پوزیشن حاصل کی۔

  ٹیسٹ کرکٹ میں انگلینڈ کے جوروٹ کی پہلی پوزیشن اور ہیری بروک کی دوسری پوزیشن برقرار رہی جبکہ نیوزی لینڈ کے کین ولیمسن تیسرے اور بھارت کے یشوی جیسوال چوتھے نمبر پر ہیں،جبکہ  رشبھ پنت نے ٹیسٹ بلے بازوں کی ٹاپ ٹین میں اپنی جگہ دوبارہ حاصل کی اور تین درجے آگے بڑھ کر نویں نمبر پر آ گئے۔
 ٹیسٹ بولرز کی رینکنگ میں بھارت کے جسپریت بمراہ کی پہلی پوزیشن پر برقرار ہیں جبکہ پیٹ کمنز اور کاگیسوربادا نے ایک ایک درجے ترقی کے بعد دوسری اور تیسری پوزیشن حاصل کی ، جبکہ نعمان علی دو درجے نیچے جاکر گیارہویں نمبر پر پہنچ گئے۔ 
ٹی 20 رینکنگ میں آسٹریلیا کے ٹریوس ہیڈ کی پہلی پوزیشن برقرار رہی جبکہ بابر اعظم نے ایک درجے بہتری کے بعد چھٹے نمبر پر جگہ بنائی، جبکہ ٹی 20 بولرز کی رینکنگ میں ویسٹ انڈیز کے عقیل حسین کی پہلی پوزیشن قائم ہے۔